ជួបជាមួយក្រុមការងារ Smart

ថូម៉ាស​ទទួលបានបទពិសោធន៍ជាច្រើនក្នុងវិស័យទូរគមនាគមន៍ តាមរយៈការងារក្នុងផ្នែក គ្រប់គ្រងជាច្រើន​ឆ្នាំនៅ ក្រុមហ៊ុន Siemens AG’s Communication Division និង Nokia Siemens Networks។​ ថូម៉ាស ក៏ជាសមាជិក របស់ Supervisory Board of Azerfon ​នៅAzerbaijan។​ នៅពាក់កណ្តាលឆ្នាំ 2008 ថូម៉ាសបានក្លាយជា អគ្គនាយកប្រតិបត្តិរបស់ ក្រុមហ៊ុន ទូរស័ព្ទចល័តមួយដែលមានការរីកលូតលាស់​យ៉ាងឆាប់រហ័សនៅកម្ពុជាដែលមានឈ្មោះ ថា Smart Mobile​។ ថូម៉ាសបានធ្វើ អាយក្រុមហ៊ុនដែលទើប​នឹងចាប់ផ្តើមមួយនេះបោះជំហ៊ានដ៏ល្អក្នុង ទីផ្សារចាប់ពីលេងរៀង ទី 8 រហូតដល់ក្លាយជា ក្រុមហ៊ុនដែល​ធំជាងគេទីបី រួមបញ្ចូលទាំងការទិញ យកក្រុមហ៊ុន Starcell នៅឆ្នាំ 2011។

បន្ទាប់ពីការរួមបញ្ចូលគ្នាដោយជោគជ័យរវាង Hello Axiata និង​ Smart Mobile នៅខែធ្នូ ឆ្នាំ2013 ថូម៉ាស​ជាអគ្គនាយកប្រតិបត្តិ របស់ក្រុមហ៊ុន Smart ដែលជាក្រុមហ៊ុនទូរស័ព្ទចល័តឈាន មុខគេនៅក្នុងប្រទេសកម្ពុជា!

ហ្វេរ៉ូស បានចូលរួមជាមួយក្រុមហ៊ុន Smart Axiata នៅក្នុងខែតុលា ឆ្នាំ 2018។ គាត់ធ្លាប់បានបម្រើការងារជាមួយក្រុមហ៊ុន Axiata Group អស់រយៈពេលជាង 10 ឆ្នាំមកហើយ នៅក្នុងប្រទេសឥណ្ឌូណេស៊ីនិងម៉ាឡេស៊ី។ មុននេះ គាត់គឺជាប្រធានក្រុមនាយកប្រតិបត្តិផ្នែកហិរញ្ញវត្ថុនៅក្រុមហ៊ុន XL Axiata ប្រទេសឥណ្ឌូនេស៊ី ដែលបានដឹកនាំគំនិតផ្តួចផ្តើមផ្នែកយុទ្ធសាស្រ្តហិរញ្ញវត្ថុ និងដើរតួនាទីយ៉ាងសំខាន់ក្នុងដំណើរផ្លាស់ប្តូររបស់ក្រុមហ៊ុន XL Axiata។ លោកបាននៅជាមួយក្រុមហ៊ុន Axiata Group តាំងពីឆ្នាំ 2008 មកម្ល៉េះ ដែលលោកបានដឹកនាំទំនាក់ទំនងអ្នកវិនិយោគយុទ្ធសាស្រ្តសម្រាប់ក្រុមហ៊ុន ហើយជាផ្នែកមួយនៃក្រុមការងារគ្រប់គ្រងតំបន់។ អាជីពរបស់គាត់នៅក្នុងវិស័យទូរគមនាគមន៍បានចាប់ផ្តើមនៅក្នុងក្រុមហ៊ុន Telekom Malaysia Berhad រហូតដល់មានការបំបែក ក្រុមហ៊ុនជាផ្នែក និង ការចុះបញ្ចីបង្កើតក្រុមហ៊ុន Axiata Group Berhad ដែលគាត់គឺជាសមាជិកក្រុមស្នូលនៃការធ្វើយុទ្ធសាស្ត្រ។

គាត់គឺជាសមាជិក Chartered Institute of Management Accountants (CIMA) នៅចក្រភពអង់គ្លេសនិង មានសញ្ញាប័ត្របរិញ្ញាបត្រវិទ្យាសាស្ត្រផ្នែកសេដ្ឋកិច្ច គណនេយ្យនិង ហិរញ្ញវត្ថុពីសាលាសេដ្ឋកិច្ចទីក្រុងឡុង។

ស្តេផានជាអ្នកប្រតិបត្តិជាន់ខ្ពស់ក្នុងវិស័យទូរគមនាគមន៍ និងជានាយកប្រតិបត្តិផ្នែកទីផ្សារ របស់ Smart។ មុនពេលមកចូលរួម ក្រុមការងារ Smart លោកធ្លាប់ជាប្រធានផ្នែក ទីផ្សាររបស់ក្រុនហ៊ុន Orange នៅប្រទេសរ៉ូម៉ានី, នាយកផ្នែកបម្រើសេវាអតិថិជន នៅ ETISALAT និង តំណែងពាណិជ្ជ កម្មជាច្រើនទៀតនៅ AXIS Telekom នៅប្រទេសឥណ្ឌូនេស៊ី និង Deutsche Telekom (T-Mobile)។​

ស្តេផានមានតួនាទីជាអ្នកដឹកនាំនៅក្នុងមុខជំនាញគ្រប់គ្រងផលិតផល ការកំណត់តម្លៃការ វិភាគទៅលើតម្រូវការរបស់ អតិថិជនព្រមទាំងផ្នែកលក់និងប្រតិបត្ដិការពាណិជ្ជកម្មជាច្រើន ទៀត។ លោកមានបទពិសោធន៍ធ្វើការនៅប្រទេសជាច្រើន ដូចជា កម្ពុជា ក្រូអាត ឥណ្ឌូនេស៊ី ស្លូវេនី រ៉ូម៉ានី និង សហរដ្ឋអាមេរិក។ ស្តេផានអាចនិយាយបានច្រើនភាសាដូចជា៖ អង់គ្លេស ក្រូអាត ស្លូវេន បារាំងព្រមទាំង អាល្លឺម៉ង់។ ស្តេផានមានអនុបណ្ឌិតគ្រប់គ្រងពាណិជ្ជកម្ម មកពីសាកលវិទ្យាល័យ Ljubljana មកពីប្រទេសស្លូវេនី និង អនុបណ្ឌិតវិទ្យាសាស្រ្តក្នុងការគ្រប់ គ្រងប្រព័ន្ធពត៌មានមកពីសាកលវិទ្យាល័យ Liverpool។

អេនឌ្រេមានបទពិសោធន៍ជាង12ឆ្នាំក្នុងវិស័យទូរគមនាគមន៍ចាប់ពីវិស្វករផ្នែកទូរគមនាគម ន៍ដល់ការគ្រប់គ្រង​គម្រោងនិង នាយកប្រតិបត្តិផ្នែកបច្ចេកទេសនៅក្រុមហ៊ុន ទូរស័ព្ទចល័តជា ច្រើន។​អេនឌ្រេ​មានបទពិសោធន៍ជាច្រើន ក្នុងការគ្រប់គ្រង គម្រោង​ទូរគមនាគមន៍ដ៏​ស្មុគស្មាញនៅក្នុងប្រទេស​ជាច្រើន។

អេនឌ្រេបានរួមបញ្ចូលប្រព័ន្ធពីរដោយជោគជ័យរបស់ Hello Axiata និង Smart Mobile អោយក្លាយ​ទៅជាប្រព័ន្ធ Smart Axiata តែមួយ។ការរួមបញ្ចូលប្រព័ន្ធនេះ បានទទួលជោគជ័យ ដោយសារតែការ​សហការគ្នាយ៉ាងល្អដែលជាលទ្ធផល Smart ទទួលបាន អតិថិជននិងប្រាក់ ចំណូលកើនឡើងរហូត​ដល់ Smart បានក្លាយជាក្រុមហ៊ុនទូរស័ព្ទធំជាងគេទី 2 នៅកម្ពុជា។

អេនឌ្រេជាអ្នកដឹកនាំដែលមានទឺសដៅក្នុងការបង្កើនសមត្ថិភាពរបស់អ្នកដែលនៅជុំវិញគាត់​ហើយនឹង​បង្កបរិយាកាសរីករាយដល់គាត់នឹងអ្នកដែលនៅជុំវិញគាត់​។​

លោក Kalyan ត្រូវបានតែងតាំងជាប្រធានផ្នែកព័ត៌មានរបស់ក្រុមហ៊ុន Smart Axiata នៅថ្ងៃទី 1 ខែសីហាឆ្នាំ 2017 ។ មុនពេលចូលបម្រើការងារលោកបានកាន់តំណែងជាអ្នកដឹកនាំជាច្រើនក្នុងអំឡុងពេល 4 ឆ្នាំនៅក្រុមហ៊ុន Axiata Group ។ Kalyan មានបទពិសោធន៍ជាង 14 ឆ្នាំក្នុងនាមជានាយកប្រតិបត្តិផ្នែកអាយធីនិងទូរគមនាគមន៍ហើយជឿជាក់ថាការរីកចម្រើនខាងបច្ចេកវិទ្យាជាផ្នែកមួយដ៏សំខាន់ក្នុងការធ្វើអោយជីវិតរស់នៅរបស់មនុស្សកាន់តែងាយស្រួលនិងកាន់តែប្រសើរឡើង។ គាត់មានបទពិសោធន៍យ៉ាងច្រើនក្នុងការដោះស្រាយបញ្ហាស្មុគ្រស្មាញនិងគ្រប់គ្រងក្រុមពហុវប្បធម៌ដែលមានសញ្ជាតិជាច្រើន។

Kalyan កើតនៅប្រទេសឥណ្ឌានិងបញ្ចប់ការសិក្សាជាវិស្វករអគ្គិសនីនិងអេឡិចត្រូនិច។ គាត់ទទួលបានបទពិសោធន៏យ៉ាងទូលំទូលាយនៅក្នុងវិស័យបច្ចេកវិទ្យាព័ត៌មានដោយកាន់មុខតំណែងផ្នែកបច្ចេកវិទ្យាជាច្រើននៅក្នុងក្រុមហ៊ុនបច្ចេកវិទ្យាពហុជាតិនិងក្រុមហ៊ុនពិគ្រោះយោបល់ជាច្រើនដូចជា Infosys Technologies Limited និង Tata Consultancy Services នៅក្នុងការិយាល័យឥណ្ឌានិងម៉ាឡេស៊ី។

អាន់ថូនីជានាយកប្រតិបត្តិផ្នែកសេវាកម្មឌីជីថលរបស់ Smart។ ពីមុន លោកបានបម្រើការនៅ ក្រុមហ៊ុន Royal Group ហើយក៏ធ្លាប់ជាអគ្គនា យកប្រតិបត្តិរបស់ធនាគារឯកទេសវីង។ លោកបានមករស់នៅក្នុងប្រទេសកម្ពុជាតាំងពីឆ្នាំ 2008។ លោកបានចាប់ផ្តើមនៅវីងនៅក្នុង នាយកដ្ឋានបច្ចេកវិទ្យា បន្ទាប់មកជានាយកប្រត្តិបត្តិទូរទៅ ហើយក៏បានក្លាយជាអគ្គនាយក ប្រតិបត្តិនៅពេលដែលវីងត្រូវបាននៅក្រោមការគ្រប់គ្រងរបស់ក្រុមហ៊ុន Royal Group ហើយ ក្រុមហ៊ុនក៏បានក្លាយជាក្រុមហ៊ុន វេរលុយលំដាប់ថ្នាក់លេខ 1 នៅកម្ពុជា។

អាន់ថូនីមកពីចក្រភពអង់គ្លេស ហើយគាត់បានធ្វើការនៅទីក្រុងឡុងអស់រយៈពេល 11 ឆ្នាំនៅក្នុងមុខជំនាញជាច្រើនដូចជា Barclays, Aon, Bank of New York Europe, IBM Global Services, Royal Bank of Scotland និង JP Morgan Cazenove។ អេនថូនីបានបញ្ចប់ការសិក្សាថ្នាក់បរិញ្ញាបត្រខាងផ្នែកវិទ្យាសាស្រ្តកុំព្យូទ័រនៅសកលវិទ្យាល័យ Greenwich ទីក្រុងឡុងនៅឆ្នាំ 1997។