តន្រ្តី Smart Mega Concert បានចាប់ផ្តើមធ្វើដំណើរ នៅកម្ពុជា ម្តងទៀតហើយ!
រាធានីភ្នំពេញ ថ្ងៃទី ១៦ ខែមីនា ២០១៥- ក្រុមហ៊ុន Smart Axiata សូមប្រកាសផ្តល់ជូនទស្សនីយភាព ការប្រគុំតន្រ្តីផ្សាយផ្ទាល់ អំឡុងខែមីនា និង ខែមេសានេះ នៅក្នុងខេត្តក្រុងចំនួន៥:
១. ទីក្រុងភ្នំពេញ ថ្ងៃសៅរ៍ ទី១៤ ខែមីនា
២. ក្រុងបាត់ដំបង ថ្ងៃសៅរ៍ ទី២១ ខែមីនា
៣. ក្រុងព្រះសីហនុ ថ្ងៃសៅរ៍ ទី២៨ ខែមីនា
៤. ក្រុងកំពង់ចាម ថ្ងៃសៅរ៍ ទី៤ ខែមេសា
៥. ក្រុងសៀមរាប ថ្ងៃសៅរ៍ ទី១១ ខែមេសា
តន្ត្រីទេសចរណ៍ Smart Mega Concert ឆ្នាំនេះបានបន្តចាប់ផ្តើមការប្រគុំសារជាថ្មីម្តងទៀត កាលពីឆ្នាំមុនតន្ត្រីទេសចរណ៍នេះដែលបាននាំមកជូននូវកំពូលសិល្បករ តារាសម្តែងទៅកាន់ខេត្តក្រុងទាំង 24។
តន្ត្រី Smart Mega Concert លើកទីមួយឆ្នាំនេះ បានចាប់ផ្តើមយ៉ាងជោគជ័យក្នុងក្រុងភ្នំពេញ នារាត្រីថ្ងៃសៅរ៍ ទី១៤ មីនា ដែលទាក់ទាញទស្សនិកជនរាប់ពាន់នាក់មកទស្សនាផ្ទាល់នៅទីក្រុងកោះពេជ្រ និងរំភើបញាប់ញ័រជាមួយការសំដែងរបស់តារាល្បីៗរួមមាន លោកឆាយ វិរៈយុទ្ធ កញ្ញាលាង សុផាលែន លោកJimmy Kiss លោកTony Keo កញ្ញា Sandrine DJ នេន ទុំ ការរាំ Hip Hop និង ក្រុមកំប្លែង CTN ។
នៅឆ្នាំនេះការប្រគុំតន្ត្រីទាំងប្រាំនឹងផ្សាយបន្តផ្ទាល់តាមរយះទូរទស្សន៍ CTN ចាប់ពីម៉ោង 8 ដល់់ 10 យប់ រៀងរាល់ថ្ងៃសៅរ៍ដើម្បីផ្តល់នូវភាពសប្បាយរីករាយដ៏អស្ចារ្យជាមួយនឹងតារាឆ្នើមដូចជា លោកខេមរៈ សេរីមន្ត កញ្ញាឡូរ៉ា ម៉ម លោកខេម កញ្ញា សុគន្ធនីសា លោកឆាយ វីរៈយុទ្ធ កញ្ញាលាង សុផាលែន លោកJimmy Kiss លោកTony Keo កញ្ញាSandrine DJ នេន ទុំ រួមទាំងការរាំចង្វាក់ Hip Hop និង ក្រុមកំប្លែង CTN សម្រាប់ជូនដល់ទស្សនិកជនរាប់លាននាក់នៅទូទាំងប្រទេស។