Smart និង ភ្នំពេញក្រោន រួមគ្នាជាដៃគូផ្លូវការ ដើម្បីលើកកម្ពស់វិស័យបាល់ទាត់ ជាកីឡាជាតិ
ថ្ងៃទី6 ខែតុលា ឆ្នាំ 2015 – ក្រុមហ៊ុន Smart Axiata និង ភ្នំពេញ
ក្រោននៅថ្ងៃនេះបានប្រកាសអំពី ភាពជាដៃគូផ្លូវការ, ដែលជា
ផ្លាកសញ្ញាពាណិជ្ជកម្មនាំមុខពីរ ដើម្បីលើកកម្ពស់វិស័យកីឡា
បាល់ទាត់ជាកីឡាជាតិនៅក្នុងប្រទេសកម្ពុជា។ នៅ រដូវកាល
2015/2016ខាងមុខ ក្រុមហ៊ុនSmart នឹងក្លាយជាដៃគូ ទូរគមនាគមន៍
ផ្លូវការនិងផ្តាច់មុខរបស់ ក្លិបភ្នំពេញក្រោនសម្រាប់កិច្ចព្រមព្រៀង
ភាពជាដៃគូ3ឆ្នាំ។
“ភ្នំពេញក្រោន មានការរំភើបយ៉ាងខ្លាំង ដើម្បីស្វាគមន៍ ក្រុមហ៊ុន Smart Axiata បានធ្វើជាដៃគូសំខាន់របស់យើង សម្រាប់រយៈពេលបីឆ្នាំ។” លោក រិទ្ធីសំណាង ប្រធានក្លិបភ្នំពេញក្រោន បានឱ្យដឹងថា “Smart មិនត្រឹមតែក្លាយទៅជា អ្នកឧបត្ថម្ភចំបងលើឯកសណ្ឋានកីឡារបស់យើង, យើងកំពុងតែសម្លឹងឆ្ពោះទៅមុខដើម្បី ធ្វើការយ៉ាងជិតស្និទ្ធ ជាមួយនឹងកីឡាករ ក្នុងការអភិវឌ្ឍវិស័យកីឡាបាល់ទាត់ និងសហគមន៍ ដែលទាក់ទងនឹងវិស័យកីឡា និងកម្មវិធីអភិវឌ្ឍសង្គម ។ "
កីឡាបាល់ទាត់ គឺជាកីឡាដែលមានប្រជាប្រិយភាពបំផុតនៅក្នុងពិភពលោក។ នៅក្នុងប្រទេសកម្ពុជា យើងបានមើលឃើញពីភាពរីកចម្រើននៃកីឡានេះមានការកើនឡើងយ៉ាងខ្លាំង មិនថាសមត្ថភាពលេងលើទីលានលេង និងបរិមាណនៃអ្នកគាំទ្របាល់ទាត់ក្នុងប្រទេស ដែលបានគាំទ្ររបស់ទស្សនិកជនពេញពហុកីឡាដ្ឋានសម្រាប់ក្រុមជម្រើសជាតិ។ បន្ទាប់ពីការប្រកួតកីឡាបាល់ទាត់ នាពេលបច្ចុប្បន្នក្នុងតំបន់និងសកល ដូចជាការប្រកួតកីឡាស៊ីហ្គេម ឆ្នាំ2015 ក្នុងប្រទេសសិង្ហបុរីនិង វគ្គជម្រុះ World Cup ឆ្នាំ2018 ជាលើកដំបូងក្នុងប្រវត្តិសាស្រ្តសម្រាប់ប្រទេស វិស័យកីឡាបាល់ទាត់នៅក្នុងប្រទេសកម្ពុជា ពិតជាត្រូវបានទទួលភាពទាក់ទាញ ពីសំណាក់អ្នកគាំទ្ររាប់ពាន់នាក់ ក្នុងការទស្សនាការប្រកួតក្នុងន័យគាំទ្រ ដល់ក្លិបរបស់ពួកគេ និងក្រុមជម្រើសជាតិទទួលបានជោគជ័យ។ ដើម្បីបន្តការអភិវឌ្ឍ វិស័យកីឡាបាល់ទាត់ នៅក្នុងប្រទេសកម្ពុជា គឺតម្រូវឱ្យមានការចូលរួម ពីរដ្ឋាភិបាល ស្ថាប័ន អាជីវកម្ម ក្លឹបបាល់ទាត់ និងអ្នកគាំទ្រ ។
“Smart និង ភ្នំពេញក្រោន មានគោលតម្លៃរួមដូចគ្នាជាច្រើន។ ភ្នំពេញក្រោន គឺជាក្រុមមួយដែលលេចធ្លោជាមួយនឹងកំណត់ត្រានៃការលេងជាពិសេស ។ ក្រៅពីការអភិវឌ្ឍអាជីពជាកីឡាករ របស់ពួកគេ , ភ្នំពេញក្រោនមានកម្មវិធីលើកកម្ពស់យុវជនរបស់ខ្លួន ក្នុងការហ្វឹកហាក់បណ្តុះទេពកោសល្យកីឡាករវ័យក្មេង។ យើងមានការសប្បាយចិត្តដែលឃើញចក្ខុវិស័យរយៈពេលវែងពីក្លិបមួយនេះ ហើយយើងមើលឃើញថាវា ជាជំហានដំបូង ដើម្បីបង្វឹកកីឡាករជាលំដាប់ថ្នាក់ពិភពលោក នៅក្នុងប្រទេសកម្ពុជា។ យើងសង្ឃឹមថាភាពជាដៃគូនេះ អាចជាសារ ជំរុញលើកទឹកចិត្តឱ្យមនុស្សកាន់តែច្រើនចូលរួមក្នុងការលេងបាល់ទាត់ មិនថាតែលេងជាការកំសាន្តក្នុងពេលទំនេរ ព្រមទាំងជាថ្ខាលនៃការសម្រេចក្តីសុបិន្តរបស់ពួកគេ ដើម្បីក្លាយជាកីឡាករអាជិពមួយផងដែរ។” លោក Thomas Hundt នាយកប្រតិបត្តិក្រុមហ៊ុន Smart Axiata បន្តឱ្យដឹងថា “ភាពជាដៃគូនេះ គឺពិតជាសមិទ្ធិផលសំខាន់មួយមួយផ្សេងទៀតរបស់ Smart ឆ្ពោះទៅរកការលើកកម្ពស់សុខភាពសហគមន៍ រួមទាំងជាការបណ្តុះបណ្តាល កីឡាករបាល់ទាត់ជាលំដាប់ថ្នាក់ពិភពលោក”។
ភាពជាដៃគូជាមួយក្លិបភ្នំពេញក្រោន នេះគឺពិតជាតម្លៃបន្ថែម ដែលបំពេញដោយឥតខ្ចោះជាមួយនឹងភាពជាដៃគូ ដែល Smart កំពុងមានរយៈពេល 6 ឆ្នាំជាមួយអង្គការ Happy Football Australia Cambodia។ នៅក្នុងរយៈពេល 6 ឆ្នាំ, HFAC និង Smart បានទទួលក្មេងដែលគ្មានផ្ទះសម្បែង ពីផ្លូវមកកាន់វាលបាល់ទាត់ ថែមទាំងបានបញ្ជូនក្រុមមួយដើម្បីចូលរួមព្រឹត្តិការណ៍កីឡាបាល់ទាត់ Homeless World Cup ជារៀងរាល់ឆ្នាំដោយបង្កើតក្តីសង្ឃឹម ក្នុងចំណោមកុមារក្រីក្រទាំងនោះយ៉ាងខ្លាំង។ នេះបង្ហាញឱ្យឃើញ ថាការប្រកួតបាល់ទាត់មានអត្ថន័យហួសពីការប្រកួតធម្មតារវាងក្រុមទាំងពីរ ដែលលេងជាមួយនឹងគ្នា ដើម្បីតែរកគ្រាប់បាល់។ កីឡាបាល់ទាត់ គឺជាកីឡា ដែលនាំមកនូវរបៀបរស់នៅប្រកបដោយមានសុខមាលភាពល្អ, អាជីព និងក្តីសុបិន្តមួយ។
លោករិទ្ធីសំណាងបានបន្ថែមថា "ការប្តេជ្ញាចិត្តជាបន្តរបស់ក្រុមហ៊ុន Smart ដើម្បីគាំទ្រដល់សហគមន៍ដែលពួកគេបម្រើ ដល់កីឡា, ការអប់រំ, និងគម្រោងសុខភាពសាធារណៈ ជាផ្នែកមួយនៃគុណតម្លៃស្នូលរបស់ក្រុមហ៊ុនរបស់ពួកគេ ដែលធ្វើឱ្យភាពជាដៃគូជាមួយSmart ល្អឥតខ្ចោះសម្រាប់ភ្នំពេញក្រោន។ ក្លឹបរបស់យើងបានខិតខំ ធ្វើឱ្យមានភាពខុសគ្នា ដោយការអភិវឌ្ឍយុវជនរបស់ខ្លួនផ្ទាល់ , កម្មវិធីសហគមន៍និងសាលារបស់យើង និងការចូលរួមរបស់យើង ជាកំលាំងស្នូលក្ុនងការផ្លាស់ប្តូរប្រកបដោយភាពវិជ្ជមាន នៅក្នុងសកម្មភាពសង្គម"។
តាមការប្តេជ្ញាចិត្ត របស់យើងក្នុងការអភិវឌ្ឍវិស័យកីឡានិងធ្វើអោយកីឡាបាល់ទាត់អោយកាន់តែមានភាពទាក់ទាញ នៅក្នុងប្រទេសកម្ពុជា យើងមានសេចក្តីសោមនស្សរីករាយ សូមណែនាំសេវាកម្មកំសាន្តថ្មី ដែលមានឈ្មោះថា "Smart Fantasy Football" ដែលនឹងដាក់អោយដំណើរការនាល្ងាចថ្ងៃនេះ ជាមួយនឹងកម្មវិធីសម្ភោព នៅភោជន័យដ្ឋានV-Friend សាខាផ្សារដេប៉ូ។ សេវាកម្មនេះនឹងដាក់អោយកំសាន្តដោយឥតគិតថ្លៃ។ វានឹងដើរតួនាទីមួយ ក្នុងការបង្កើនភាពសប្បាយរីករាយ និងការល្បងប្រាជ្ញាទាក់ទងនឹងសមត្ថភាពដឹកនាំកីឡាករក្នុងកម្មវិធីប្រកួតបាល់ទាត់អង់គ្លេស English Premier League ។ យើងមាន ទូរស័ព្ទ iPhone 6 សម្រាប់អ្នកឈ្នះប្រចាំខែដែលមានពិន្ទុខ្ពស់ជាងគេ ខណៈពេលដែលការឈ្នះពានរង្វាន់ធំប្រចាំរដូវកាល មានជាទឺកប្រាក់សុទ្ធរហូតដល់ 10,000 ដុល្លារ ហើយលេខពីរនឹងទទួលបាន 2,500 ដុល្លា និង1,000ដុល្លាសំរាប់អ្នកទទួលបានលេខបី។ សូមចូលទៅកាន់ https://fantasy.smart.com.kh/ ឬហៅ 888 ថែមទៀត សម្រាប់ព៌តមានបន្ថែម។