ភ្នំពេញ ថ្ងៃទី02 ខែកុម្ភៈ ឆ្នាំ 2026​៖ ការតភ្ជាប់ពិតជាមានសារៈសំខាន់បំផុតសម្រាប់ពេលធ្វើដំណើរ ជាពិសេសសម្រេាប់ទេសចរណ៍ដែលធ្វើដំណើរមកកាន់ប្រទេសថ្មី។ ដោយយល់អំពីតម្រូវការនេះ ក្រុមហ៊ុន Smart Axiata និង FastWin Media Co., Ltd បានការអនុញ្ញាត និងសហការដោយ រដ្ឋាករស្វយ័តដឹកជញ្ជូនសាធារណៈរថយន្តក្រុង រាជធានីភ្នំពេញ ដើម្បីផ្ដល់នូវបទពិសោធន៍កាន់តែប្រសើរជាមួយ WiFi ល្បឿនលឿនដោយឥតគិតថ្លៃ នៅតាមចំណតរង់ចាំរថយន្តក្រុង និងនៅលើ​រថយន្តក្រុងផ្ទាល់ ដែលបម្រើសេវាកម្មដឹកជញ្ជូនទៅមកពីអាកាសយានដ្ឋានអន្តរជាតិតេជោ។ កិច្ចផ្ដួចផ្ដើមនេះ ជាចំណុចសំខាន់មួយដែលជួយលើកកម្ពស់វិស័យទេសចរណ៍កម្ពុជាឱ្យប្រកបដោយស្តង់ដារ និងអាចប្រកួតជាមួយទិសដៅទេសចរណ៍អន្តរជាតិដទៃទៀតបាន។

រាជធានីភ្នំពេញ៖ ក្រុមហ៊ុន Smart Axiata កំពុងធ្វើការយ៉ាងមមាញឹក ដើម្បីផ្ដល់នូវការតភ្ជាប់បណ្តាញជំនាន់ក្រោយ5G របស់ខ្លូន ដោយបានដំឡើងស្ថានីយ 5G ជាង 600ស្ថានីយ នៅតាមបណ្តាខេត្តក្រុងចំនួន 21 ក្នុងរយៈពេលត្រឹមតែ 27 ថ្ងៃប៉ុណ្ណោះ។ ចំនួនអង់តែនបានកើនឡើងស្ទើគុណនឹងពីរក្នុងរយៈពេលតិចជាងមួយខែ ចាប់ពីត្រឹមតែ 283 ស្ថានីយនាថ្ងៃទី 01 ខែមករា រហូតដល់ជាង 600 ស្ថានីយនាពេលបច្ចុប្បន្ន។

រាជធានីភ្នំពេញ៖ នាថ្ងៃទី 26 ខែមករា ឆ្នាំ2026 ក្រុមហ៊ុន Smart Axiata បានទទួលស្វាគមន៍នាយកដ្ឋានបច្ចេកវិទ្យាព័ត៌មាន នៃអគ្គលេខាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ មកកាន់ទីស្នាក់ការកណ្តាលរបស់ខ្លួន ក្នុងដំណើរបំពេញទស្សនកិច្ចចែករំលែកចំណេះដឹងដែលផ្តោតលើមជ្ឈមណ្ឌលទិន្នន័យស្តង់ដារអន្តរជាតិ មជ្ឈមណ្ឌលប្រតិបត្តិការសេវាកម្ម (SOC) និងមជ្ឈមណ្ឌល Cyber Fusion Center របស់ក្រុមហ៊ុន Smart។ ទស្សនកិច្ចនេះមានគោលបំណងចែករំលែកចំណេះដឹង ខណៈដែលក្រសួងសេដ្ឋកិច្ចនិងហិរញ្ញវត្ថុ កំពុងត្រៀមពង្រឹងមជ្ឈមណ្ឌលទិន្នន័យនិងប្រព័ន្ធសន្តិសុខសាយប័ររបស់ខ្លួន។

រាជធានីភ្នំពេញ ថ្ងៃទី ១៩ ខែមករា ឆ្នាំ២០២៦ – ក្រុមហ៊ុនទូរគមនាគមន៍ Smart Axiata និងយូនីសេហ្វ បានសហការគ្នាដាក់ឱ្យអនុវត្តគម្រោង​ «ការលើកកម្ពស់ការសិក្សា និងអាហារូបត្ថម្ភរបស់កុមារក្នុងអំឡុងវិបត្តិព្រំដែនកម្ពុជា» ដែលជាគំនិតផ្តួចផ្តើមបន្ទាន់រយៈពេលមួយឆ្នាំ។ គម្រោងនេះមានគោលបំណងការពារសុខភាព និងការអប់រំរបស់កុមារ និងស្ត្រីជាងរាប់ពាន់នាក់ ដែលរងផលប៉ះពាល់ដោយជម្លោះព្រំដែនកម្ពុជា–ថៃ នាពេលថ្មីៗនេះ។

ភ្នំពេញ៖ នាថ្ងៃទី 01 ខែមករា ឆ្នាំ2026 ​ក្រោមកិច្ចសហប្រតិបត្តិការយ៉ាងជិតស្និទជាមួយនឹងក្រសួងប្រៃសណីយ៍ និងទូរគមនាគមន៍ ក្រុមហ៊ុន Smart Axiata បានសម្រេចនូវសមិទ្ធផលដ៏សំខាន់មួយក្នុងដំណើរឌីជីថលរបស់កម្ពុជា តាមរយៈការដាក់ឱ្យប្រើប្រាស់ជាផ្លូវការនូវសេវាទូរសព្ទចល័តជំនាន់ទី5 ឬ 5G។ ការដាក់ឱ្យដំណើរការនេះ បង្ហាញពីការត្រៀមខ្លួនរួចជាស្រេចរបស់កម្ពុជា សម្រាប់ប្រព័ន្ធភ្ជាប់ទំនាក់ទំនងជំនាន់ថ្មី និងជាការបង្កើតនូវឱកាសថ្មី និងពង្រឹងវឌ្ឍនភាព សម្រាប់អ្នកប្រើប្រាស់ជាលក្ខណៈ បុគ្គល គ្រួសារ និងអាជីវកម្មនៅកម្ពុជា។

រាជធានីភ្នំពេញ៖ ក្រុមហ៊ុន Smart Axiata នឹងរៀបចំពិធីសម្ពោធជាផ្លូវការនៃរបាយការណ៍ចីរភាព លើក ទី10 ដោយរួមផ្សំចីរភាពជាមួយនឹងសិល្បៈក្នុងកម្មវិធី ពិព័រណ៍សិល្បៈភពផែនដីឆ្នាំ 2025 (Earth Arts Festival 2025) ដែលនឹងរៀបចំឡើងក្រោមកិច្ចសហការរវាង Smart និង ReMade in Cambodia។

រាជធានីភ្នំពេញ៖ នាថ្ងៃទី 1 ខែតុលា ឆ្នាំ2025 ក្រុមហ៊ុន Smart Axiata មាន​កិត្តិយសក្នុង​ការ​ស្វាគមន៍ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ព្រម​ទាំង​គណៈ​ប្រតិភូ​មក​កាន់មជ្ឈមណ្ឌលគាំទ្រសហគ្រិន Smart Startup Space។ ដំណើរ​ទស្សនកិច្ច​នេះ​បាន​បញ្ជាក់​យ៉ាង​ច្បាស់​ពី​ការ​ប្តេជ្ញា​ដ៏​យូរ​អង្វែង​របស់ក្រុមហ៊ុន Smart ក្នុងការជំរុញការអប់រំ ការលើកកម្ពស់សហគ្រិនភាព ការ​លើកកម្ពស់យុវជន​កម្ពុជា និង​ការ​ជំរុញ​សុវត្ថិភាពលើប្រព័ន្ធ​ឌីជីថល។

ភ្នំពេញ៖ ថ្ងៃទី1 ខែកញ្ញា ឆ្នាំ 2025 ក្រុមហ៊ុន Smart Axiata បានប្រកាសពីការចូលកាន់តំណែងជាផ្លូវការរបស់លោក Ritesh Kumar Singh ក្នុងតួនាទីជានាយកប្រត្តិបត្តិ (CEO)។ ការចូលកាន់តំណែងរបស់លោក គឺបានឆ្លុះបញ្ចាំងអំពីការបើកទំព័រថ្មីនៃភាពជាអ្នកដឹកនាំរបស់ក្រុមហ៊ុន និងបាន បង្ហាញពីការយកចិត្តទុកដាក់បេ្តជ្ញាចិត្តរបស់ក្រុមហ៊ុនក្នុងការរួមចំណែកអភិវឌ្ឍន៍សេដ្ឋកិច្ច និងសង្គមឌីជីថលរបស់ព្រះរាជាណាចក្រកម្ពុជា។

ក្រុមហ៊ុន Smart Axiata ឈ្នះពានរង្វាន់អាស៊ានដ៏មានកិត្យានុភាព សម្រាប់កិច្ចការពារកុមារលើប្រព័ន្ធអុីនធឺណិត ភ្នំពេញ៖ នាថ្ងៃទី27 ខែសីហា ឆ្នាំ2025 ក្រុមហ៊ុន Smart Axiata បានទទួលនូវពានរង្វាន់ឆ្នើមអាស៊ាន ស្ដីពីសុខុមាលភាព និងការអភិវឌ្ឍសង្គម (AOSWADA) លើកទី​ 3 របស់អាស៊ាន ដោយមានសាធារណរដ្ឋសហភាពមីយ៉ាន់ម៉ាជាម្ចាស់ផ្ទះ។

ឆ្លើយតបទៅនឹងផលប៉ះពាល់ និងតម្រូវការជាចាំបាច់របស់ប្រជាជនកម្ពុជាពីជម្លោះព្រំដែនកម្ពុជា-ថៃ ក្រុមហ៊ុន Smart Axiata បានប្រកាសបង្កើតនូវមូលនិធិ 1,000,000 ដុល្លារ ដើម្បីគាំទ្រ និងសម្រួលបន្ទុកប្រជាជនកម្ពុជា និងផ្ដល់ស្ថិរភាពដល់ប្រជាជនខ្មែរ ដែលជាជនភាសសឹក កងកម្លាំងវីរជនយោធាជួរមុខ និងក្រុមគ្រួសារ។ ជាផ្នែកមួយនៃការប្តេជ្ញារបស់ក្រុមហ៊ុនចំពោះ "ការលើកកម្ពស់ប្រជាជន និងសហគមន៍" ដែលជាសសរស្តម្ភចីរភាពស្នូលមួយរបស់ខ្លួន ក្រុមហ៊ុន Smart នៅតែបន្តចូលរួមយ៉ាងសកម្ម ដើម្បីផ្តល់ជំនួយជាបន្ទាន់ ចាប់តាំងពីការចាប់ផ្តើមនៃជម្លោះនេះមកម្ល៉េះ។