បញ្ចូលលុយទូរសព្ទ​

លេខកំពុងមានសុពលភាព (Active number status): សុពលភាពលេខនឹងកំណត់ទៅតាមការបញ្ចូលលុយ (ឧ. បញ្ចូលលុយ 1 ដុល្លារ មានសុពលភាព 7 ថ្ងៃ ឬបញ្ចូលលុយ 5 ដុល្លារ មានសុពលភាព 30ថ្ងៃ)។

ដំណាក់កាលទី 1: លេខនឹងផ្អាកជាបណ្តោះអាសន្ន (Barred status/one way block): ក្រោយពីលេខអស់សុពលភាព សេវាកម្មតេចេញ ការផ្ញើសារខ្លី និងការប្រើប្រាស់ទិន្នន័យអ៊ីនធឺណិតនឹងត្រូវបានផ្អាក រយៈពេល ៦០ (ហុកសិប) ថ្ងៃ។ ក្នុងដំណាក់កាលនេះ ទោះបីអតិថិជននៅមានអត្ថប្រយោជន៍របស់គម្រោង ឬអត្ថប្រយោជន៍ផ្សេងៗ ក៏អតិថិជនមិនអាចប្រើប្រាស់បានទេ លុះត្រាតែអតិថិជនបញ្ចូលលុយឡើងវិញដើម្បីប្រើអត្ថប្រយោជន៍ទាំងនោះ។
ក្នុងដំណាក់កាលនេះដែរ ប្រសិនបើអតិថិជនបញ្ចូលលុយឡើងវិញ  គណនីចម្បងនឹងមានសុពលភាពវិញ ហើយលុយដែលបានអស់សុពលភាព នឹងបូកយោងជាមួយលុយដែលបញ្ចូលថ្មី។

ដំណាក់កាលទី 2: លេខនឹងផ្អាកទាំងស្រុង (Suspended status/two ways block): ក្រោយរយៈពេល ៦០ (ហុកសិប) ថ្ងៃ បន្ទាប់ពីលេខផ្អាកជាបណ្តោះអាសន្ន ប្រសិនបើអតិថិជននៅតែមិនបញ្ចូលលុយ សេវាកម្មតេចេញ និងតេចូល ការផ្ញើសារខ្លី(ផ្ញើចេញ) និងការប្រើប្រាស់ទិន្នន័យអ៊ីនធឺណិត ព្រមទាំងសេវាកម្មផ្សេងៗរបស់អតិថិជននឹងត្រូវបានផ្អាកទាំងស្រុង។ ក្នុងដំណាក់កាលនេះដែរ លុយដែលមានទាំងអស់ក្នុងគណនីចម្បងនឹងត្រូវបានកាត់ចេញ នៅថ្ងៃទី ១ (មួយ) នៃ ដំណាក់កាលនេះ។

ដំណាក់កាលទី 3: លេខនឹងបញ្ឈប់ដំណើរការ (Deactivate status/Recycle Status/Ageing pool): ក្រោយពីដំណាក់កាលទី2 បានបញ្ចប់  នោះលេខរបស់អតិថិជននឹងមិនមានសេវា ហើយមិនអាចប្រើប្រាស់បានទៀតទេ។