Smart Axiata ជាក្រុមហ៊ុនទូរគមនាគមន៍នៅប្រទេសកម្ពុជាដែលមានអតិថិជនជាង 8 លាននាក់ កំពុងធ្វើបដិវត្តន៍ទិដ្ឋភាពឌីជីថល។ មិនគ្រាន់តែជាប្រតិបត្តិករទូរស័ព្ទចល័តប៉ុណ្ណោះទេ ក្រុមហ៊ុន Smart កំពុងផ្លាស់ប្តូរទៅជាម៉ាកបច្ចេកវិទ្យាទូរសព្ទចល័ត និងឌីជីថលដ៏ទូលំទូលាយ ដោយកំណត់ឡើងវិញនូវរបៀបរស់នៅ ការកម្សាន្តនិងផលិតភាពប្រកបដោយវិជ្ជាជីវៈតាមរយៈការផ្តល់ជូនប្រកបដោយភាពច្នៃប្រឌិតមួយចំនួន។ បង្កប់នៅក្នុងផលប័ត្រដ៏មានមហិច្ឆតារបស់ Smart គឺជាចក្ខុវិស័យច្បាស់លាស់មួយ ដើម្បីបង្កើតប្រព័ន្ធអេកូឡូស៊ីបច្ចេកវិទ្យាឌីជីថល ដែលផ្តល់ឱកាសដល់បុគ្គល គ្រួសារ និងសហគ្រាសគ្រប់ទំហំ។ តាមរយៈការភ្ជាប់បច្ចេកវិទ្យា និងជីវិតប្រចាំថ្ងៃ Smart កំពុងដាក់មូលដ្ឋានគ្រឹះសម្រាប់ក្តីប្រាថ្នារបស់ប្រទេសកម្ពុជា ដើម្បីប្រែក្លាយខ្លួនទៅជាសង្គម និងសេដ្ឋកិច្ចឌីជីថលនៅឆ្នាំ 2030។
Smart ទទួលបានកេរ្តិ៍ឈ្មោះជាអ្នកបង្កើតថ្មីប្រកបដោយទំនុកចិត្ត ដោយផ្អែកទៅលើបទពិសោធន៍ជាអ្នកដឹកនាំបច្ចេកវិទ្យាដ៏លេចធ្លោក្នុងព្រះរាជាណាចក្រកម្ពុជា។ ឆ្លងកាត់ការអភិវឌ្ឍបណ្តាញទំនាក់ទំនងឥតឈប់ឈរអស់រយៈពេលជាច្រើនឆ្នាំកម្លងមក ក្រុមហ៊ុន Smart បានឈានចូលដល់យុគសម័យ 5G ដែលជាការផ្លាស់ប្តូរដ៏អស្ចារ្យនិងផ្ដល់នូវការតភ្ជាប់ជំនាន់ថ្មី។ដំណើរឆ្ពោះទៅកាន់បច្ចេកវិទ្យា 5G នេះ បានចាប់ផ្តើមឡើងជាមួយនឹងការតេស្តសាកល្បង 5G ផ្ទាល់ដំបូងគេបង្អស់នៅកម្ពុជាក្នុងឆ្នាំ 2019 និងមានការបន្តវិនិយោគ ការតេស្តជាបន្តបន្ទាប់ និងការរៀបចំខ្លួនជាស្រេច ដើម្បីធានាឱ្យបាននូវការដាក់ឱ្យដំណើរការប្រកបដោយប្រសិទ្ធភាព និងភាពជឿជាក់បំផុត។ ជាមួយនឹងការសម្ពោធនូវ Smart 5G ក្រុមហ៊ុន Smart កំពុងបង្ហាញនូវភាពជាអ្នកដឹកនាំនៅលើផ្នែកល្បឿន សមត្ថភាព និងបទពិសោធន៍ឌីជីថល ដែលឆ្លុះបញ្ចាំងពីការប្តេជ្ញាចិត្តរបស់យើង ក្នុងការផ្តល់នូវការតភ្ជាប់ដ៏ទំនើបបំផុតសម្រាប់បុគ្គល គ្រួសារ និងអាជីវកម្មគ្រប់ធន់។
ការខិតខំរបស់ Smart មិនផ្អាកនៅត្រឹមការច្នៃប្រឌិតទេ។ យើងផ្ដល់ការយកចិត្តទុកដាក់ស្មើគ្នាលើការកែលម្អបទពិសោធន៍របស់អតិថិជន។ ការខិតខំប្រឹងប្រែងជាបន្តបន្ទាប់ក្នុងការបង្កើនប្រសិទ្ធភាពសេវាកម្ម ធានាថាការផ្តល់ជូនមិនត្រឹមតែមានសុវត្ថិភាព និងងាយស្រួលប្រើប៉ុណ្ណោះទេ ប៉ុន្តែថែមទាំងស្របតាមតម្រូវការដែលកំពុងរីកចម្រើនរបស់អតិថិជនផងដែរ។ គោលដៅគឺដើម្បីបង្កើនការពេញចិត្តតាមរាល់ចំណុចប៉ះនៃដំណើរប្រើប្រាស់របស់អតិថិជន។
ក្រមសីលធម៌របស់ក្រុមហ៊ុន Smart ពង្រីកលើសពីការផ្តល់សេវាដល់ទំនួលខុសត្រូវសង្គមរបស់សាជីវកម្ម។ ជាមួយនឹងក្រុមអ្នកជំនាញដែលមានការយកចិត្តទុកដាក់ខ្ពស់ជាង 1,000 នាក់ ក្រុមហ៊ុន Smart ប្តេជ្ញាផ្តល់ជូននូវផលិតផល និងសេវាកម្មដែលមិនអាចប្រៀបផ្ទឹមបាន ខណៈពេលដែលចូលរួមយ៉ាងសកម្មក្នុងការអភិរក្សបរិស្ថាន និងការអភិវឌ្ឍន៍សហគមន៍។ ការរួមចំណែករបស់ពួកគេក្នុងការលើកកម្ពស់ការងារសង្គមកិច្ចត្រូវបានផ្គូផ្គងដោយការប្តេជ្ញាចិត្តចំពោះអភិបាលកិច្ចប្រកបដោយតម្លាភាព ដោយធានាថាភាគីពាក់ព័ន្ធតែងមើលមកកាន់ Smart Axiata ជាគំរូនៃសុចរិតភាព និងភាពជឿជាក់។ ក្រុមហ៊ុន Smart Axiata មិនត្រឹមតែភ្ជាប់ប្រទេសកម្ពុជាទៅកាន់ពិភពលោកប៉ុណ្ណោះទេ យើងក៏កំពុងដាប់ឆ្លាក់ចក្ខុវិស័យមួយ ដែលបច្ចេកវិទ្យាត្រូវបានផ្សារភ្ជាប់ជាមួយនឹងរបត់នៃជីវិតប្រចាំថ្ងៃ និងជំរុញប្រទេសជាតិឆ្ពោះទៅរកចក្ខុវិស័យដ៏មុតមាំក្នុងការក្លាយខ្លួនជាប្រទេសដែលមានប្រាក់ចំណូលខ្ពស់នៅឆ្នាំ 2050។
Smart ជីវិតរស់រវើក!
