ដោយឆ្លើយតបទៅនឹងផលប៉ះពាល់ផ្នែកមនុស្សធម៌ដែលបណ្តាលមកពីស្ថានភាពជម្លោះព្រំដែនរវាងកម្ពុជា–ថៃ ក្រុមហ៊ុន Smart Axiata បានប្តេជ្ញា ក្នុងរយៈពេល 3 ឆ្នាំ ដើម្បីគាំទ្រដល់សហគមន៍ ប្រជាពលរដ្ឋដែលរងផលប៉ះពាល់ កងកម្លាំងយោធានៅជួរមុខ និងគ្រួសាររបស់ពួកគេ។
ស្មាតនៅជាមួយប្រទេសកម្ពុជា
Smart Axiata ដាក់ចេញមូលនិធិ ដើម្បីគាំទ្រ និងសម្រួលបន្ទុកសហគមន៍
គោលបំណង
នរណាខ្លះនឹងទទួលបានអត្ថប្រយោជន៍ពីមូលនិធិនេះ?
មូលនិធិនេះមានគោលបំណងជួយដល់ប្រជាពលរដ្ឋដែលរងផលប៉ះពាល់យ៉ាងទូលំទូលាយ រួមមាន៖
- ប្រជាពលរដ្ឋដែលត្រូវជម្លៀស
- កងកម្លាំងយោធានៅជួរមុខ និងគ្រួសាររបស់គាត់
- ម្ចាស់អាជីវកម្មខ្នាតតូច និងនិយោជិត
- សិស្សានុសិស្ស
- សហគមន៍ដែលត្រូវការជំនួយផ្នែកសម្ភារៈ សង្គម ផ្លូវចិត្ត និងការតភ្ជាប់ឌីជីថល
បច្ចុប្បន្ន មូលនិធិនេះផ្តោតជាចម្បងលើខេត្ត ព្រះវិហារ ឧត្ដរមានជ័យ និងពោធិ៍សាត់ ហើយអាចពង្រីកទៅតំបន់ផ្សេងទៀត តាមតម្រូវការពិតប្រាកដរបស់សហគមន៍។
Smart សហការជាមួយដៃគូ
ការគាំទ្ររយៈពេលខ្លី
- លំនៅឋាន និងជម្រក៖ ផ្តោតលើការផ្តល់ជំនួយបន្ទាន់ និងជម្រកសម្រាប់ប្រជាពលរដ្ឋកម្ពុជាដែលត្រូវជម្លៀសនៅតំបន់ព្រំដែនដែលរងផលប៉ះពាល់។
- សម្ភារៈចាំបាច់សម្រាប់ជីវភាពរស់នៅ៖ ស្បៀងបន្ទាន់ជាង 17,000 កញ្ចប់ ត្រូវបានចែកចាយដល់ប្រជាពលរដ្ឋ និងកងកម្លាំងយោធានៅជួរមុខ ដោយជំនួយនានានឹងត្រូវផ្ដល់ជូនជាបន្តបន្ទាប់។
- សុខាភិបាល៖ គាំទ្រសុខភាពរាងកាយ សុខភាពផ្លូវចិត្ត និងការស្ដារសុខុមាលភាពសង្គម ដើម្បីថែរក្សាសុខុមាលភាពរបស់សហគមន៍ដែលរងផលប៉ះពាល់។
ការគាំទ្ររយៈពេលមធ្យម និងរយៈពេលវែង
- បរិយាប័ន្នឌីជីថល និងសេវាកម្ម៖ ពង្រឹងការតភ្ជាប់ឌីជីថល និងពង្រឹងសមត្ថភាពក្នុងការបន្តប្រើប្រាស់ទិន្នន័យពីទូរសព្ទ ការទទួលបាននូវព័ត៌មាន និងសេវាអនឡាញចាំបាច់នានា។
- ការស្ដារអាជីវកម្មខ្នាតមីក្រូ តូច និងមធ្យម (MSME)៖ គាំទ្រការចាប់ផ្តើមឡើងវិញនៃអាជីវកម្មគ្រួសារ ដូចជា កសិកម្ម ពាណិជ្ជកម្ម និងសិប្បកម្ម តាមរយៈការផ្តល់នូវឧបករណ៍ និងបច្ចេកវិទ្យាឌីជីថលនានា។
- សុខាភិបាល និងការអប់រំ៖ ផ្តោតលើការទទួលបាននូវសេវាសុខាភិបាល និងការអប់រំ ជាពិសេសសម្រាប់គ្រួសារដែលត្រូវបានជម្លៀស និងកងកម្លាំងយោធានៅជួរមុខ។
គោលការណ៍គ្រប់គ្រងមូលនិធិ
មូលនិធិនេះនឹងត្រូវគ្រប់គ្រងដោយ គណៈកម្មការបរធនបាលកិច្ចឯករាជ្យ ដើម្បីធានានូវតម្លាភាព ទំនួលខុសត្រូវ និងប្រសិទ្ធភាពក្នុងការប្រើប្រាស់ថវិកា ដោយធានាថាជំនួយនឹងទៅដល់អ្នកដែលត្រូវការពិតប្រាកដ។ មូលនិធិនេះផ្អែកលើគោលការណ៍សំខាន់ៗដូចខាងក្រោម៖
ផ្អែកលើតម្រូវការ និងប្រកបដោយបរិយាប័ន្ន
ដំណោះស្រាយដែលដឹកនាំដោយសហគមន៍មូលដ្ឋាន
នវានុវត្តន៍ឌីជីថល និងភាពធន់រយៈពេលវែង
ផ្អែកលើតម្រូវការ និងប្រកបដោយបរិយាប័ន្ន
ដំណោះស្រាយដែលដឹកនាំដោយសហគមន៍មូលដ្ឋាន
នវានុវត្តន៍ឌីជីថល និងភាពធន់រយៈពេលវែង