អាគារវឌ្ឍនៈធៅវើល បំពាក់ដោយបច្ចេកវិទ្យាអុិនធឺណិត 4G LTE ពី Smart
ភ្នំពេញ៖ ក្រុមហ៊ុន Smart ថ្ងៃនេះបានប្រកាសជាសាធារណៈថា ក្រៅពីសេវាអ៊ិនធើណេត 4G LTE គ្របដណ្តប់ទូទាំងរាជធានី
ឥឡូវនេះអាគារវឌ្ឍនៈធៅវើលទាំងមូលក៏ត្រូវបានបំពាក់ទៅដោយ ឧបករណ៍បច្ចេកវិទ្យាអ៊ិនធើណេត 4G LTE របស់ Smart ផងដែរ។ អាគារវឌ្ឍនៈធៅវើល គឺជាទីតាំង ពាណិជ្ចកម្មដែលមានកិត្យានុភាពបំផុតនៅក្នុងរាជធានីភ្នំពេញ។ ជាមួយកំពស់ 188 ម៉ែត្រ អាគារដ៏ទំនើបមួយនេះ ត្រូវបានរចនា និង សាងសង់ឡើងស្របទៅតាមស្តង់ដាខ្ពស់បំផុតខ្នាត អន្តរជាតិ សំរាប់ការកើនឡើងផ្នែកពាណិជ្ជកម្ម និង វិស័យកំសាន្តបែបទំនើបនៅក្នុងប្រទេសកម្ពុជា។ ជាមួយបច្ចេកវិទ្យាអ៊ិនធើណេត 4G LTE របស់ Smart សំរាប់អ្នករស់នៅ ក៏ដូចជាអ្នកទៅកំសាន្តនៅ អាគារដ៏ទំនើបមួយនេះ ចាប់ពីជាន់ផ្ទាល់ដីរហូតទៅដល់ជាន់ទី 39 ពួកគេអាចរីករាយជាមួយល្បឿន អ៊ិនធើណេតដ៏លឿនបំផុតរហូតទៅដល់ 12 ដងលឿនជាងអ៊ិនធើណេត 3G ដែលមានកន្លងមក។
លោក ថូម៉ាស់ ហ៊ុន ដែលជាអគ្គនាយកប្រត្តិបត្ត ក្រុមហ៊ុន Smart បានមានប្រសាន៍ថា “ យើងមាន សេចក្តីសោមនស្សរីករាយជាពន់ពេក ដែលបានសហការជាដៃគូរផ្នែកសេវាទូរស័ព្ទ និង អ៊ិនធើណេត ជាមួយនឹងក្រុមហ៊ុន Vattanac Capital ។ ជាមួយការអភិវឌ្ឍន៍នូវអាគារដែលមានកំពស់រហូតដល់ ៣៩ ជាន់ សំរាប់ការិយាល័យទំនើប ផ្សារទំនើប និង សណ្ឋាគារលំដាប់ថ្នាក់ពិភពលោកនេះ វាពិតជាធ្វើអោយអាគារមួយនេះក្លាយជាសំណង់អាគារដែលលេចធ្លោរ និង ទំនើបជាងគេបំផុតនៅក្នុង រាជធានីភ្នំពេញ។ សេវាអ៊ិនធើណេត 4G LTE របស់ Smart គឺជាសេវាពិសេសមួយផ្សេងទៀតដែល សាកសមបំផុតសំរាប់បំពេញបន្ថែមជាមួយនឹងការផ្តល់ជូនតាមស្តង់ដាកំពូល ដែល Vattanac Capital កំពុងផ្តល់ជូនទៅដល់អ្នកស្នាក់នៅក្នុងអាគារនេះ នាពេលបច្ចុប្បន្ន ក៏ដូចជានាអនាគតខាង មុខនេះដែរ ហើយសេវាដ៏ល្អបំផុតនេះ។ លើសពីនេះទៅទៀត យើងរីករាយនឹងជូនដំណឹងទៅដល់ សាធារណៈជននូវ កញ្ចប់កាដូរផ្តល់ជូនពិសេស ដើម្បីជាការស្វាគមន៍ដល់អតិថិជនថ្មីរបស់ Vattanac Capital ទាំងអស់ផងដែរ ។ ដែលការផ្តល់ជូននោះរួមមាន ស៊ីម 4G មួយ ដែលអាចតេចេញរហូតដល់ 100នាទី ដោយឥតគិតថ្លៃ 100 SMS និង ទិន្ននយ័អ៊ិនធើណេតចំនួន 1GB ដើម្បីចាប់ផ្តើមសាកល្បង ប្រើប្រាស់ដោយឥតគិតថ្លៃ ជាមួយសេវាអ៊ិនធើណេត 4G LTE របស់ Smart ។ ជាងនេះទៅទៀត ថ្មីៗនេះយើងបានដាក់អោយប្រើប្រាស់សេវាអ៊ិនធើណេត 4G LTE គ្រប់ដណ្តប់ទូទាំងរាជធានីភ្នំពេញ ហើយ។ ដូច្នេះអតិថិជន Smart ទាំងអស់អាចរីករាយជាមួយការឆែក អ៊ិនធើណេតតាមទូរស័ព្ទដៃជា មួយល្បឿនដ៏លឿនបំផុតទាំងក្នុងអាគារ និង ក្រៅអាគារទំនើបមួយនេះ។
នៅរាល់ការិយាល័យ Smart Shop យើងមានប្រភេទទូរស័ព្ទដៃ 4G LTE ជាច្រើន ដាក់តាំងសំរាប់ អតិថិជនអាចសាកល្បងប្រើប្រាស់បាន និង សំរាប់លក់ផងដែរ។ ហើយ សេវាអ៊ិនធើណេត 4G LTE របស់ Smart ដំណើរការបានយ៉ាងល្អប្រសើរភាគច្រើនជាមួយស៊េរីទូរស័ព្ទដៃម៉ាក Samsung, Nokia, Sony, LG, Huawei, មិនថាទូរស័ព្ទដៃទាំងទិញពី Smart Shop រឺ ទិញពីណានោះទេ។
ការិយាល័យ Smart Shop មាន 10 ទីតាំងដែលមានបំពាក់ដោយឧបករណ៍បច្ចេកវិទ្យាអ៊ិនធើណេត 4G LTE នៅក្នុងការិយាល័យរួចជាស្រេច នាពេលបច្ចុប្បន្ន ក្នុងនោះរួមមាន៖ ការិយាល័យ Smart Shop ភ្នំពេញធៅវើល ផ្សារទំនើបសូរិយា ផ្សារទំនើបសុវណ្ណា ផ្សារទំនើបរតនាផ្លាហ្សា សណ្ឋាគារ ណាហ្គាវើល អាផាតមិនឌឹកាសូលទួលគោក (De Castle Toul Kok) ព្រលានយន្តហោះអន្តរជាតិ ពោធ៍ចិនតុង Smart Store បឹងត្របែក ហើយថ្មីៗនេះទើបតែមាននៅ អាផាតមិនឌឹកាសូលរ៉ូយ៉ាល់ (De Castle Royal) និងឥឡូវនេះមានទាំងនៅអាគារវឌ្ឍនៈធៅវើលផងដែរ។ ជាមួយសេវាអ៊ិនធើណេត 4G LTE គ្របដណ្តប់ដ៏ទូលំទូលាយទូទាំងរាជធានីនេះ អតិថិជន Smart ទាំងអស់អាចសប្បាយរីករាយ ជាមួយបទពិសោធន៍ថ្មីក្នុងការប្រើប្រាស់សេវាអ៊ិនធើណេត 4G LTE ដោយគ្មានការរអាក់រអូលទាំង ក្នុងអាគារ និង ក្រៅអាគារ។ នេះគ្រាន់តែជាការចាប់ផ្តើមតែប៉ុណ្ណោះ ហើយយើងនឹងពង្រីកនូវសេវា គ្របដណ្តប់អ៊ិនធើណេត 4G LTE នេះបន្ថែមទៀត នៅមុនឆ្នាំ 2015 អោយបានគ្រប់ទីប្រជុំជនទូទាំង ប្រទេសកម្ពុជា។