កីឡាសម្រាប់ការអភិវឌ្ឍ ក្រុមហ៊ុនស្មាត និងអង្គការទស្សនៈពិភពលោកបន្តធ្វើការជាដៃគូរយៈពេល ៣ ឆ្នាំ ដើម្បីជួយយុវជនកម្ពុជាក្នុងការកសាងអនាគតវិជ្ជមាន

“កីឡាបាល់ទាត់ជួយធ្វើឲ្យខ្ញុំមានទំនុកចិត្ត និងភាពក្លាហាន ជួយខ្ញុំហ៊ានក្រោកឈរប្រឈមនឹង ការគម្រាម កំហែងនានា។” យុវតី ស៊ីផ្លែ អាយុ ១៣ឆ្នាំ។

ក្រោយទទួលបានការជោគជ័យពីរៀបចំកម្មវិធីនេះកាលពីឆ្នាំ ២០១៨ កន្លងមក ឆ្នាំនេះគឺជាពេលវេលាដ៏គួរឲ្យ អបអរសម្រាប់ អង្គការទស្សនៈពិភពលោក ប្រចាំកម្ពុជា និងក្រុមហ៊ុន ស្មាត អាស្យាតា ខូអិលធីឌី ក្នុងការរៀបចំនូវ “កម្មវិធីកីឡាដើម្បីផ្លាស់ប្រែជីវិតខ្ញុំ” ជុំទី៣ នៅថ្ងៃទី ១ ខែមិថុនា ឆ្នាំ ២០១៩។ កម្មវិធីនេះផងដែរបានប្រព្រឹត្តឡើងទៅនៅកីឡាដ្ឋាននៃក្លឹបបាល់ទាត់ភ្នំពេញក្រោន ហើយមានការចូលរួមពី យុវជនចំនួន ២៦០ នាក់ដែលរួមមាន យុវតីចំនួន ១៣០នាក់ ដែលពួកគាត់គឺជាសមាជិកក្នុងក្លឹប មកពីបណ្តាខេត្តចំនួន ១៣ នៅក្នុងប្រទេសកម្ពុជា។

តាមរយៈគម្រោងសាកល្បងដ៏ជោគជ័យរបស់ “កម្មវិធីកីឡាដើម្បីផ្លាស់ប្រែជីវិតខ្ញុំ” នៅក្នុងស្រុកចំនួន ៣ នៅក្នុងឆ្នាំ ២០១៧ ហើយកម្មវិធីត្រូវបានពង្រីកទៅកាន់ស្រុកចំនូន ១២ នៅក្នុងឆ្នាំ ២០១៨ និងទៅកាន់ ស្រុកចំនួន ១៣ នៅក្នុងឆ្នាំ ២០១៩។ ភាពជោគជ័យរបស់កម្មវិធីទាំងមូល បានផ្តល់ជាអត្ថប្រយោជន៍ ទៅដល់យុវជនចំនួន ២,០៣៩ នាក់ (៤១% ជាយុវតី) ពិសេសយុវជន ដែលងាយរងគ្រោះបំផុត។ ចំនួនយុវជនដែលទទួលបានអត្ថប្រយោជន៍ពីកម្មវិធីនឹងត្រូវ បានកើនឡើង ទ្វេរដង(ប្រហែល ៤,០០០នាក់) នៅក្នុងឆ្នាំ ២០២០។

លោក សាយ សារិន ប្រធានផ្នែកគ្រប់គ្រងកម្មវិធីជាន់ខ្ពស់ប្រចាំអង្គការទស្សនៈពិភពលោក បានមាន ប្រសាសន៍ថា៖ “កម្មវិធីកីឡាដើម្បីផ្លាស់ប្រែជីវិតខ្ញុំ និង សហគមន៍ក្រុមកីឡាដើម្បីផ្លាស់ប្រែជីវិតខ្ញុំ បានបង្កើតឡើងក្រោមមូលដ្ឋានគ្រឹះដែលមានប្រសិទ្ធភាពក្នុងការបង្កើតទំនាក់ទំនង និងគាំទ្រដល់យុវជន ដែលងាយរងគ្រោះបំផុតដើម្បីជួយពួកគាត់ក្នុងការបង្កើតនូវទំនាក់ទំនងវិជ្ជមាននៅជុំវិញខ្លួននិងជួយឲ្យពួកគាត់ទទួលបាននូវជំនាញជីវិតសំខាន់ៗ។ ជំនាញទាំងនោះនឹងជួយដល់ពួកគាត់មានការអភិវឌ្ឍក្នុងជីវិត និងជួយដល់ការសម្រេចចិត្តត្រឹមត្រូវក្នុងជីវិតរបស់ពួកគាត់ពិសេសដើម្បីកាត់បន្ថយអាកប្បកិរិយាដែលនាំឲ្យពួកគាត់ជួបនូវបញ្ហាផ្សេងៗ។

លោក Anthony Perkins នាយកផ្នែកសេវាកម្មឌីជីថល នៃក្រុមស្មាត អាស្យាតា ខូអិលធីឌី បាន មានប្រសាសន៍ថា៖“មិនត្រឹមតែជាប្រភពនៃលំហាត់ប្រាណនិងសុខភាពប៉ុណ្ណោះទេ កីឡាបាល់ទាត់ជួយ យុវជន ក្នុងការកសាងមិត្តភាពដោយពុំមានការរើសអើងនិងលើកទឹកចិត្តដល់ការធ្វើការងារជាក្រុម។ ក្រោយ ការសហការជាដៃគូជាមួយនឹងអង្គការទស្សនៈពិភពលោករយៈពេល ៣ឆ្នាំកន្លងមកនេះ យើងមានការ ជឿជាក់ថា “កម្មវិធីកីឡាដើម្បីជីវិតខ្ញុំ” បានភ្ជាប់ទំនាក់ទំនងរវាងយុវជន និងយុវតីរាប់ពាន់នាក់ យ៉ាង ជោគជ័យដោយបង្កើតនូវសកម្មភាពស្ថាបនារនិងជំនាញដ៏ចាំបាច់ជាច្រើនដែលពួកគាត់ត្រូវការសម្រាប់ការកសាងអនាគតតាមរយៈកីឡា។ ពួកយើងសង្ឃឹមថាកម្មវិធីនេះនឹងបន្តបង្កើតនូវផលជះវិជ្ជមានទៅលើយុវជន កម្ពុជាយើងឲ្យបានច្រើនជាងនេះទៀត ពិសេសយុវជនដែលងាយរងគ្រោះបំផុត។

“កម្មវិធីកីឡាដើម្បីផ្លាស់ប្រែជីវិតខ្ញុំ” នឹងបន្តចូលរួមចំណែកក្នុងការលើកកម្ពស់គុណភាពជីវិតរបស់យុវជន តាមរយៈការផ្តល់នូវជំនាញផ្សេងៗ ដើម្បីជួយពង្រឹងនូវទេពកោសល្យ និងសមត្ថភាពរបស់ពួកគាត់។ ការប្រកួតបាល់ទាត់ថ្នាក់ជាតិរៀបចំឡើងដើម្បីបង្កើត និងពង្រឹងនូវទំនាក់ទនង ក៏ដូចជាចំណងមិត្តភាពរវាង យុវជនដែលងាយរងគ្រោះបំផុត។ លើសពីនេះទៅទៀត វាជួយជំរុញ និងលើកទឹកចិត្តរបស់យុវជន ក្នុងការបន្ត អភិវឌ្ឍខ្លួនឯងផ្ទាល់ ក៏ដូចជាចូលរួមអភិវឌ្ឍន៍ក្នុងសហគមន៍។