Smart Axiata ចាប់ដៃគូជាមួយ Liger Leadership Academy ដើម្បីរៀបចំសាកល្បងការប្រកួតកីឡាហ្វ្រីសប៊ី (Frisbee) នារីលើកដំបូងបង្អស់នៅកម្ពុជា
Liger Leadership Academy ក្នុងភាពជាដៃគូជាមួយ Smart Axiata ដែលជាប្រតិបត្តិករទូរស័ព្ទចល័តឈានមុខគេនៅកម្ពុជា បានបិទបញ្ចប់ការប្រកួតក្របខ័ណ្ឌលីគកីឡាហ្វ្រីសសប៊ី (Frisbee) នារីដំបូងបង្អស់នៅកម្ពុជា ដែលជាកម្មវិធីសាកល្បងមួយដែលមានគោលបំណងលើកទឹកចិត្តនារីឲ្យចូលរួមក្នុងវិស័យកីឡា។
កម្មវិធីសាកល្បងរយៈពេល ៣ ខែមួយនេះមានគោលបំណងបង្ហាញពីសមភាពយេនឌ័រក្នុងកីឡាដ៏ពេញនិយមមួយនេះដែលជាទូទៅជាកីឡាសម្រាប់តែបុរសៗ។ ការប្រកួតក្របខ័ណ្ឌលីកកីឡាហ្វ្រីសប៊ី(Frisbee) នេះមានការចូលរួមពីសិស្សានុសិស្សជានារីដែលមកពី សាលា ចំនួន ៤នៅតាមបទជន ក្នុងខេត្តកំពង់ស្ពឺ និងមកពីអង្គការ Liger ដែលការបង្ហាត់បង្រៀន ព្រមទាំងរៀបចំឡើងដោយសិស្សមកពី Liger។
មុនពេលការប្រកួតក្របខ័ណ្ឌលីកនេះបានចាប់ផ្តើម អង្គការ Liger បានបង្វឹកសិស្សានុសិស្សច្រើនជាង ៦០ នាក់ចាប់តាំងពីខែមករា ឆ្នាំ ២០១៩ មក ដើម្បីផ្ដល់ការយល់ដឹង និងការបង្កើតជាក្រុមសម្រាប់ការប្រកួតក្នុងយុទ្ធនាការកីឡានេះ។ ក្រុមមកពី Liger ក៏បានធ្វើការស្ទង់មតិជាមួយសហគមន៍នៅតាមមូលដ្ឋាន ផងដែរ ដើម្បីធ្វើការវាយតំលៃលើផលប៉ះពាល់ផ្សេងៗ និងបានបង្កើតគំរូនៃការហ្វឹកហ្វាត់មួយ ដែលអាចត្រូវបានរៀបចំឡើងវិញដោយអ្នកពាក់ព័ន្ធដែលមានចំណាប់អារម្មណ៍ផ្សេងទៀត ដែលមានបំណងចង់ពង្រឹកកីឡានេះនាពេលអនាគត។
លោក Dominic Sharpe ដែលជានាយក Liger Leadership Academy បានមានប្រសាសន៍ថា៖ «ស្ត្រី និងក្មេងស្រីគ្រប់វ័យទាំងអស់សមនឹងទទួលបានឱកាសចូលរួមក្នុងរាល់កីឡាទាំងអស់។ នៅ Liger យើងផ្តល់ការអប់រំគំរូមួយដែលមានឥទ្ធិពលលើគ្រប់ទិដ្ឋភាពនៃជីវិត ហើយលទ្ធផលទទួលបានរួមទាំងសមិទ្ធផលការសិក្សា សមិទ្ធផលកីឡា និងសមិទ្ធផលផ្ទាល់ខ្លួន។ សិស្សានុសិស្សនៅអង្គការ Liger ទទួលបានឱកាសស្មើៗគ្នាទាំងអស់ ដើម្បីបន្តក្ដីស្រមៃរបស់ពួគេ ហើយយើងជឿជាក់ថា សិស្សានុសិស្សនៅទូទាំងប្រទេសកម្ពុជាទាំងអស់គួរតែទទួលបានឱកាសបែបនោះដូចគ្នា»។
ចាប់តាំងពីបានបង្កើតឡើងក្នុងឆ្នាំ ២០១២ មក Liger Leadership Academy ផ្តល់អាហាររូបករណ៍ដល់សិស្សានុសិស្សជាង ១០០ នាក់ដែលខ្វះខាតផ្នែកសេដ្ឋកិច្ច ក្នុងនោះរួមមានការបង់ថ្លៃសិក្សា កន្លែងស្នាក់នៅ សម្លៀកបំពាក់ ការធានារ៉ាប់រង និង ការថែរទាំសុខភាព សម្ភារៈសិក្សា ហើយក៏ផ្ដល់ការចំណាយលើការធ្វើដំណើរផងដែរ។ តាមរយៈកម្មវិធីកីឡាសាកល្បងនេះ ការបណ្តុះបណ្តាលលើបំនិនជីវិតសំខាន់ៗដូចជា ភាពស្មោះត្រង់ ភាពជាអ្នកដឹកនាំ ភាពជឿជាក់ និងអាហារូបត្ថម្ភក៏ត្រូវបានផ្តល់ជូនដល់អ្នកចូលរួមក្នុងសិក្ខាសាលា និងកម្មវិធីហ្វឹកហ្វាត់ ផងដែរ។
លោក Jonathan Yap ជាប្រធានផ្នែកនិយ័តករ និងកិច្ចការសាធារណៈនៃក្រុមហ៊ុន Smart Axiata បានមានប្រសាសន៍ថា៖ «ក្រុមហ៊ុន Smart ត្រូវបានជម្រុញទឹកចិត្តយ៉ាងខ្លាំង ដោយមិនត្រឹមតែអំពីលទ្ធផលនៃកម្មវិធីសាកល្បងនេះប៉ុណ្ណោះទេ តែក៏ទៅលើកម្រិតសមត្ថភាពចម្រុះដែលក្រុមសិស្សានុសិស្សវ័យក្មេងមកពី Liger ដែលបានរៀបចំកម្មវិធីនេះ ផងដែរ។ ការប្រកួតក្របខ័ណ្ឌលីកនេះពិតជាបានលើកកម្ពស់លើការផ្តល់អំណាចដល់ស្ត្រី ខណៈពេលដែលក្មេងស្រីៗក៏ត្រូវបានលើកទឹកចិត្តឲ្យបង្កើនសមត្ថភាពក្នុងស័យកីឡា ជឿជាក់លើខ្លួនឯង និងនាំយករបៀបរស់នៅប្រកបដោយភាសុខភាព»។
កីឡាសហគមន៍គឺជាសសរស្តម្ភដ៏សំខាន់មួយនៃកម្មវិធីទទួលខុសត្រូវសង្គមរបស់ក្រុមហ៊ុន Smart ដែលមានគោលបំណងលើកកម្ពស់ របៀបរស់នៅសកម្មដែលប្រកបដោយភាសុខភាព ក៏ដូចជាសុចរិតភាពក្នុងវិស័យកីឡា ដូចជា កិច្ចសហប្រតិបត្តិការ ការគោរព ការប្តេជ្ញាចិត្ត និងការធ្វើការជាក្រុម។
សម្រាប់ព័ត៌មានបន្ថែមអំពីកម្មវិធីសាកល្បងនេះ សូមចូលរួមតាមដានបណ្ដាញសង្គម Facebook របស់ «Cambodia Female Frisbee League» និង បណ្ដាញសង្គម «Smart for Cambodia»។
អំពីក្រុមហ៊ុន Smart
ក្រុមហ៊ុន Smart Axiata Co., Ltd គឺជាប្រតិបត្តិករទូរគមនាគមន៍ឈានមុខគេក្នុងព្រះរាជាណាចក្រកម្ពុជា ដែលនាពេលបច្ចុប្បន្នបាននឹងកំពុងបំរើអតិថិជនច្រើនជាង៨ (ប្រាំបី)លាននាក់ ក្រោមស្លាកសញ្ញា “Smart”។ ក្រុមហ៊ុន Smart Axiata គឺជាបុត្រសម្ព័ន្ធនៃក្រុមហ៊ុនមេ មានឈ្មោះថា Axiata Group Berhard ដែលជាក្រុមហ៊ុនផ្តល់សេវាទូរគមនាគមន៍ធំជាងគេបង្អស់មួយក្នុងចំណោមក្រុមហ៊ុនធំៗនានាក្នុងទ្វិបអាស៊ី។
ក្រុមហ៊ុន Smart គឺប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ នាឆ្នាំ២០១៤ Smart គឺជាប្រតិបត្តិករដំបូងបង្អស់ក្នុងព្រះរាជាណាចក្រកម្ពុជាដែលបាននាំមកនូវបច្ចេកវិទ្យាទូរគមនាគមន៍សេវា 4G LTE ហើយក៏បាន អភិវឌ្ឍន៍ខ្លួនឲ្យកាន់តែប្រសើរថែមទៀតតាមរយៈការដាក់ឲ្យដំណើការសេវាបច្ចេកវិទ្យា 4G+ (LTE Advanced) នាដើមឆ្នាំ២០១៦ និងនាដើមឆ្នាំ២០១៧ ក៏បានធ្វើការណែនាំនូវសេវាបច្ចេកវិទ្យាថ្មីមួយទៀតគឺ 4G+ HD Voice ឬ VoLTE ដែលសេវានេះបានធ្វើឲ្យ Smart កាន់តែមានភាពជាអ្នកដឹកនាំផ្នែកសេវាទិន្នន័យនៅក្នុងទីផ្សារនៃព្រះរាជាណាចក្រកម្ពុជា។ ជាមួយទៅនឹងបច្ចេកវិទ្យាដ៏សម្បូរបែបរូមមាន៖ សេវាបច្ចេកវិទ្យា 2G, 2.5G, 3G និង3.75G Smart បាននឹងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង៩៨(កៅសិបប្រាំបី) ភាគរយ នៅទូរទាំងព្រះរាជាណាចក្រកម្ពុជា ។
ដើម្បីឲ្យកាន់តែទំនើបទាន់សម័យស្របទៅតាមបរិបទសង្គមរស់នៅ ក្រុមហ៊ុន Smart បាននឹងកំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្តល់ជូននូវសេវាកម្មឌីជីថលជាច្រើនក្នុងនោះរួមមាន៖ ការចាប់ដៃគូរជាមួយភាគីអន្តរជាតិដែលមានឈ្មោះល្បីរន្ទឺនានាដូចជា៖ Universal Music, Apple, Facebook និង iflix ហើយក៏មានសេវាកម្មបែប ឌីជីថលនានាទៀតដូចជា SmartLuy, Smart Insurance, SmartPay, Pleng by Smart និង SmartNas។ ក្រុមហ៊ុន Smart មានទស្សនៈវិស័យយ៉ាងម៉ុតមាំនឹងក្លាយខ្លួនជាប្រតិបត្តិករបែបឌីជីថលឈានមុខគេបង្អស់ ស្របពេលគ្នាផងដែរទៅនឹងការដើតួនាទីយ៉ាងសកម្មក្នុងការចូលរួមចំណែកអភិវឌ្ឍន៍សេដ្ឋកិច្ចជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង១,០០០ (មួយពាន់)នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេស។ Smart បាននឹងកំពុងយកចិត្តទុកដាក់ជាទីបំផុតចំពោះអតិថិជន បុគ្គលិកនិយោជិតរបស់ខ្លួន និងប្រជាពលរដ្ឋទាំងអស់ក្នុងព្រះរាជាណាចក្រកម្ពុជា តាមរយៈការនាំមកនូវសេវាបច្ចេកវិទ្យាលំដាប់ពិភពលោក, បទពិសោធ៍បែបឌីជីថលល្អឥតខ្ចោះ និងពិសេសគឺការចូលរួមយ៉ាងសកម្មទៅលើការងារទទួលខុសត្រូវសង្គម។
Smart ជីវិតរស់រវើក!
អំពី Liger
Liger Leadership Acdemy (LLA) អប់រំយុវជនដែលមានសក្ដានុពលនាពេលបច្ចុប្បន្ននេះ ដើម្បីអភិវឌ្ឍអ្នកដឹកនាំសង្គមដែលមានស្មារតីនិងសហគ្រិនភាពនាពេលអនាគត។ យើងផ្តល់ជូនកម្មវិធីអាហារូបករណ៍លំនៅដ្ឋានសម្រាប់សិស្សដែលជួបការលំបាកផ្នែកសេដ្ឋកិច្ចដែលរួមបញ្ចូលការអប់រំដែលមានលក្ខណៈប្រកួតប្រជែងអន្តរជាតិនិងទូលំទូលាយជាមួយកម្មវិធីសិក្សាបែបច្នៃប្រឌិតបែប STEM និងភាពជាសហគ្រិន។ Liger ជឿជាក់ថាការវិនិយោគដែលមានអត្ថន័យលើយុវជនមួយចំនួន នឹងផ្លាស់ប្តូរជីវិតមនុស្សជាច្រើន។