ពេលវេលាដែលត្រូវតបស្នង- វិភាគទានចំពោះអធិរាជសម្លេងមាស – ស៊ីនស៊ីសាមុត
នារសៀល ថ្ងៃទី២១ ខែតុលា ឆ្នាំ២០១៥ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម និង លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងកម្មវីធីសន្និសីទសារព័ត៌មាន ដោយមានការចូលរួមពីវាគ្មិន គឺ លោក Thomas Hundt នាយកប្រតិបត្តិរបស់ក្រុមហ៊ុន Smart Axiata ដែលជាអ្នកឧបត្ថម្ភកញ្ចប់ថវិកាប្រភេទ Platinum សម្រាប់ព្រឹត្តិការណ៍ប្រគំតន្ត្រីសប្បុរសធម៌នេះ។
នារសៀល ថ្ងៃទី២១ ខែតុលា ឆ្នាំ២០១៥ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម និង លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញជាអធិបតីក្នុងកម្មវីធីសន្និសីទសារព័ត៌មាន ដោយមានការចូលរួមពីវាគ្មិន គឺ លោក Thomas Hundt នាយកប្រតិបត្តិរបស់ក្រុមហ៊ុន Smart Axiata ដែលជាអ្នកឧបត្ថម្ភកញ្ចប់ថវិកាប្រភេទ Platinum សម្រាប់ព្រឹត្តិការណ៍ប្រគំតន្ត្រីសប្បុរសធម៌នេះ។
សន្និសីទសារព័ត៌មានខាងលើនេះ ធ្វើឡើងក្នុងគោលបំណង ដើម្បីប្រកាសផ្សាយជាសាធារណៈ ពីការរៀបចំប្រគំតន្ត្រីសប្បុរសធម៌ នៅរាត្រីថ្ងៃសៅរិ៍ ទី១៤ ខែវិច្ឆិកា ឆ្នាំ២០១៥ នៅសាលមហោស្រពកោះពេជ្រ រាជធានីភ្នំពេញ។ នេះគឺជាព្រឹត្តិការណ៍ប្រគំតន្ត្រីពិសេសមួយដែលមិនធ្លាប់កើតមានពីមុនមកនៅក្នុងប្រទេសកម្ពុជា រៀបចំឡើងដោយ ក្រសួងពាណិជ្ជកម្ម និងក្រសួងវប្បធម៌ និងវិចិត្រសិល្បៈ និងត្រូវបានគាំទ្រដោយក្រុមហ៊ុនស្មាត។
ការប្រគំតន្ត្រីក្រោមប្រធានបទ៖“ ពេលវេលាដែលត្រូវតបស្នង- វិភាគទានចំពោះអធិរាជសម្លេងមាស – ស៊ីនស៊ីសាមុត“ នឹងមានការចូលរួមសម្តែងដោយសិល្បៈ ករសិល្បៈការនីប្រមាណជាង១៧រូបដែលជាអ្នកចំរៀង តន្ត្រីករជំនាន់ដើម និងបច្ចុប្បន្ន អញ្ជើញមកសម្តែងរួមគ្នាដើម្បីរំលឹកដល់ រមរតកដែលបានបន្សល់ពីលោក ស៊ីន ស៊ីសាមុត និងយុគសម័យមាសនៃសិល្បៈតន្ត្រីខ្មែរនៅក្នុងទសវត្សរ៍ឆ្នាំ៦០ និងឆ្នាំ៧០ មុនរបបខ្មែរក្រហមចូលកាន់កាប់។
ទស្សនីយ៍ភាពនៃការប្រគំតន្ត្រីរយៈពេលពីរម៉ោងនេះ មានការចូលរួមសម្តែងពីលោក ស៊ីន សេដ្ឋកុល ចៅប្រុសរបស់លោកស៊ីន ស៊ីសាមុតសមាជិកក្រុមតន្ត្រីដ្រាក្កា លោកស្រី ឌី សាវ៉េត លោកតា គង់ ណៃ លោកស្រីហ៊ឹម ស៊ីវន លោក អៀង ស៊ីធុល លោកស្រី ម៉េង កែវពេជ្ជតា លោក សុះ ម៉ាច លោក អ៊ុកណារីម លោក ឯក ស៊ីដេ លោកស្រី ឆោម ឆពុំ លោកស្រីគឹម សុគន្ធា នាយ ប្លាកទីនកញ្ញា ឡូរ៉ា ម៉មនិងលោក រ័ត្ន មករា។
ព្រឹត្តិការណ៍ប្រគំតន្ត្រីនេះ គឺជាការរ៉ៃអង្គាសថវិកាឧបត្ថម្ភ ជួយដល់ភរិយារបស់ លោក ស៊ីន ស៊ីសាមុតនិងក្រុមគ្រួសារ គាំទ្រដល់មូលនិធិស៊ីន ស៊ីសាមុត (ដែលអភិរក្សតន្ត្រីខ្មែរសម័យដើម) បង្កើតមូលនិធិដើម្បីគាំទ្រដល់តន្ត្រីករដែលនៅសេសសល់និងកំពុងរស់នៅក្នុងភាពក្រីក្រ ព្រមទាំងរ៉ៃអង្គាសថវិកាសម្រាប់ជួយដល់មន្ទីរពេទ្យគន្ធបុប្ជាផងដែរ។
សិល្បៈករសិល្បៈការនីនិងក្រុមគ្រួសាររបស់ពួកគាត់ពិតជាមិនដែលបានទទួលអត្ថប្រយោជន៍អ្វីបន្តិចណាសោះពីកម្មសិទ្ធិបញ្ញាដែលជាធម្មតាមរតកនេះគួរតែបានបង្កើតប្រាក់ចំណូលសម្រាប់ក្រុមគ្រួសាររបស់ពួកគាត់។
ដោយសារគ្មានច្បាប់ទាំងនេះអស់រយៈពេលជាច្រើនទសវត្សរ៍មកហើយ ឧស្សាហកម្មសិល្បៈកំសាន្តនិងបណ្តាញផ្សព្វផ្សាយនានាបានប្រើប្រាស់បទចំរៀងនិងថតបទចំរៀងរបស់លោក ស៊ីនស៊ីសាមុត ដោយសេរី ដោយគ្មានការបង់ប្រាក់កម្រៃជូនក្រុមគ្រួសារលោកស៊ីន ស៊ីសាមុត នោះឡើយ។
ព្រឹត្តិការណ៍ប្រគំតន្ត្រីរ៉ៃអង្គាសថវិកាសម្រាប់នេះ រៀបចំឡើងដើម្បីឲ្យប្រជាជនខ្មែ មានឱកាសបានសម្តែងនូវទឹកចិត្ត ការគោរពសរសើរ ចំពោះក្រុមគ្រួសារអធិរាជសម្លេងមាស ស៊ីន ស៊ីសាមុតដោយការជួយឧបត្ថម្ភដល់ក្រុមគ្រួសាររបស់គាត់ និងអង្គការ សម្បរសធម៌ ដែលសាកសមទទួលបាននូវការយកចិត្តទុកដាក់ពីយើងទាំងអស់គ្នា។
ព្រឹត្តិការណ៍នៅរោងមហោស្រពកោះពេជ្រនេះនឹងមានការតាំងបង្ហាញផងដែរនូវក្របអាល់ប៊ុម និងថាសចំរៀងពីសម័យមុន ដែលជាការឆ្លុះបញ្ជាំងពីប្រវត្តិសាស្ត្រស៊ីជម្រៅមួយ នៅក្នុងយុគសម័យមាសដែលយើងទាំងអស់គ្នាកំពុងយកចិត្តទុកដាក់នេះ។
ការប្រគំតន្ត្រីនេះនឹងត្រូវផ្សព្វផ្សាយតាមទូរទស្សន៍MyTV,CTN និងទូរទស្សន៍ជាតិកម្ពុជា(ទទក)ក្នុងម៉ោងដែលមានមនុស្សទស្សនាច្រើនបំផុត(Peak Time) នារដូវកាលចុងឆ្នាំនិងបុណ្យចូលឆ្នាំថ្មីសាកល និងក្នុងអំឡុងខែមករា ដើម្បីឲ្យប្រជាជនខ្មែរ ទាំងអស់អាចចូលរួម ទស្សនា និងធ្វើការចូលរួមចែករំលែក ក្នុងព្រឹត្តិការណ៍ដ៏វិសេសវិសាលនេះ។
សំបុត្រចូលទស្សនាកម្មវិធីនេះមានលក់ជូនសាធារណៈជនក្នុងប្រភេទតម្លៃ២០.០០០រៀល (៥ដុល្លារសហរដ្ឋអាមេរិក) ៤០.០០០រៀល (១០ដុល្លារសហរដ្ឋអាមេរិក) និង៦០.០០០រៀល (១៥ដុល្លារសហរដ្ឋអាមេរិក) នៅតាម Smart Shops ទាំងអស់នៅក្នុងរាជធានីភ្នំពេញ។
លោក Thomas Hundt នាយកប្រតិបត្តិនៃក្រុមហ៊ុនទូរស័ព្ទ Smart Axiataបានមានប្រសាសន៍ថា៖ ចំណងជើង “ការប្រគំតន្ត្រីពេលវេលាដែលត្រូវតបស្នង គឺជាហេតុផលដ៏សំខាន់ដែលធ្វើឲ្យយើងខ្ញុំ និងអ្នកទាំងអស់គ្នាមកកាន់ទីនេះ។ លោក ស៊ីន ស៊ីសាមុត គឺជាអ្នកនិពន្ធបទចំរៀង អ្នកនិពន្ធបទភ្លេង និងជាអ្នកចំរៀងដ៏ល្បីល្បាញ។ ដំណើរនៃការតាក់តែងបទចម្រៀង បុគ្គលនោះត្រូវចំណាយពេលវេលា ប្រើនូវទេពកោសល្យ និងការប្តេជ្ញាចិត្តខ្ពស់ទើបអាចធ្វើទៅបាន។ ដូច្នេះអ្វីដែលត្រឹមត្រូវបំផុតនោះគឺ យើងទាំងអស់ត្រូវតែគោរពកម្មសិទ្ធិបញ្ញារបស់បុគ្គលណាដែលបានធ្វើខិតខំប្រឹងប្រែងបង្កើតចេញជាស្នាដៃនោះ។ បច្ចុប្បន្ននេះក្រសួងពាណិជ្ជកម្ម កំពុងធ្វើការយ៉ាងមមាញឹក ក្នុងគំនិតផ្តួចផ្តើមជាប្រវត្តិសាស្ត្រ ដែលអាចនិយាយបានថា វាពិតជាសក្តិសមហើយដែលនេះជាពេលវេលាយើងត្រូវតបស្នង។ ជាមួយគ្នានេះដែរ ចំណាត់ការរបស់ក្រសួងខាងលើនេះ ធ្វើឡើងស្របគ្នានឹងភាពជាដៃគូយុទ្ធសាស្ត្ររបស់យើងខ្ញុំ ជាមួយនឹងផលិតកម្មតន្ត្រីសាកល (Universal Music) ផលិតកម្មសាន់ដេ (Sunday) ផលិតកម្មថោន(Town) ផលិតកម្មអ៊ឹម (M) ផលិតកម្មប៊ីកមែន(Bigman) ផលិតកម្មI’m Telco និងផលិតកម្មSun Records Asia។ នេះជាការបង្ហាញឲ្យឃើញថា យើងកំពុងជំរុញឲ្យមានការផ្លាស់ប្តូរជាវិជ្ជមាននៅក្នុងវិស័យឧស្សាហកម្មដូរ្យតន្ត្រីរបស់កម្ពុជា។ មនុស្សគ្រប់រូបអាចមានលទ្ធភាពសមល្មម ក្នុងការទិញបទចម្រៀង ដើម្បីសណ្តាប់នូវបទចម្រៀងរបស់ ជាតិ និងអន្តរជាតិ ដោយភាពរីករាយ និងស្របច្បាប់ ហើយសិល្បៈករសិល្បៈការិនី កវីនិពន្ធ ដែលជាម្ចាស់កម្មសិទ្ធ ក៏នឹងទទួលបាននូវការចែករំលែកផលប្រយោជ៍ ទាំងនោះផងដែរ។”
លោកបានបន្ថែមទៀតថា៖ “ដើម្បីអភិរក្សដូរ្យតន្ត្រីដែលមានតម្លៃពិតប្រាកដរបស់លោក ស៊ីន ស៊ីសាមុត និងសិទ្ធិអ្នកនិពន្ធ ក្រុមហ៊ុនSmart នឹងបង្កើតបណ្តុំបទចម្រៀងជ្រើសរើសរបស់លោកស៊ីន ស៊ីសាមុត នៅក្នុងកម្មវិធីស្តាប់ចម្រៀងរបស់ក្រុមហ៊ុនស្មាត (Smart Music App) សម្រាប់អ្នកដែលផ្តល់តម្លៃខ្ពស់ដល់ស្នាដៃរបស់គាត់ ដើម្បីឲ្យពួកគេអាចរីករាយកំសាន្តជាមួយនឹងបទចម្រៀងទាំងនោះដោយស្របច្បាប់។ ការអនុវត្តច្បាប់កម្មសិទ្ធិបញ្ញា និងច្បាប់ស្តីពីសិទ្ធិអ្នកនិពន្ធនឹងបង្កើតឲ្យមានជាការផ្លាស់ប្តូរដ៏ធំមួយសម្រាប់វិស័យឧស្សាហកម្មដូរ្យតន្ត្រីនៅកម្ពុជា។ក្នុងករណីនេះខ្ញុំយល់ឃើញថា វាជាជំហានដ៏អស្ចារ្យមួយក្នុងការលើកទឹកចិត្តឲ្យមានការបង្កើតស្នាដៃនិពន្ធថ្មីៗ តាមរយៈការផ្តល់សិទ្ធិឲ្យអ្នកនិពន្ធនោះ ទទួលបានសិទ្ធិស្របច្បាប់លើស្នាដៃថ្មីៗ ដែលខ្លួនបានបង្កើត”។