Smart mobile
- kh
- en
ក្រុមហ៊ុនឡាថេល ខូ អិលធីឌីគឺជា ក្រុមហ៊ុនផ្តល់សេវាទូរគមនាគមន៍ចល័ត ក្នុងព្រះរាជាណាចក្រកម្ពុជា ដែលមានការទាមទារខ្ពស់ និងប្រតិបត្តិការអាជីវកម្មដោយប្រើពាណិជ្ជនាម Smart Mobile 010, 069, 070 និង 093។ ក្រុមហ៊ុនយើងកំពុងស្វែងរកបុគ្គលិកដែលមានទឹកចិត្ត ទំនុកចិត្ត ចំណូលចិត្ត ការជំរុញទឹកចិត្ត កម្លាំងចិត្ត និងបទពិសោធ ដើម្បីចូលរួមជាមួយក្រុមហ៊ុនយើង ពោលគឺ បុគ្គលដែលមានជំនាញក្នុងការទំនាក់ទំនង មានសណ្តាប់ធ្នាប់ល្អ និងមានស្មារតីជាក្រុម អាចបំពេញការងារប្រកបដោយជោគជ័យ ដើម្បីចូលកាន់មុខតំណែងដូចខាងក្រោម ៖
1. គណនេយ្យករផ្នែកគណនីត្រូវសង-Account Payable Accountant
កាតព្វកិច្ចទូទៅ ៖
- រក្សាទុកកិច្ចសន្យា/ព័ត៌មានពាក់ព័ន្ធនឹងអ្នកផ្គត់ផ្គង់
- ឆ្លើយតបរាល់ការសាកសួរអំពីការទូទាត់ជាមួយភ្នាក់ងារផ្គត់ផ្គង់ និងការទូទាត់ផ្ទៃក្នុង
- បញ្ចូលប្រតិបត្តិការប្រចាំថ្ងៃទៅក្នុងប្រព័ន្ធ
- ធានាថារាល់ការចំណាយត្រូវមានឯកសារអមត្រឹមត្រូវ
- សម្របសម្រួលជាមួយផ្នែកទិញ ក្នុងការគ្រប់គ្រងលិខិតបញ្ជាទិញ និងការទូទាត់វិក្កយបត្រ
- រៀបចំការទូទាត់/ ការបញ្ជូនទូរលេខទៅភ្នាក់ងារផ្គត់ផ្គង់ តាមកាលបរិច្ឆេទនៃវិក្កយបត្រ
- គ្រប់គ្រងការបើកថវិកាដល់បុគ្គលិក និងការបង់ប្រាក់មុនដល់អ្នកផ្គត់ផ្គង់
- រៀបចំ/រក្សាទុកឯកសារឱ្យបានត្រឹមត្រូវ
- ធ្វើរបាយការណ៍សវនកម្មផ្សេងៗ តាមការចាត់ចែងរបស់អ្នកគ្រប់គ្រង
- ធ្វើរបាយការណ៍ និងវិភាគសកម្មភាពនានាពាក់ព័ន្ធនឹងគណនីត្រូវសង
- បំពេញកាតព្វកិច្ចផ្សេងៗ តាមការចាត់តាំង។
លក្ខខណ្ឌតម្រូវ ៖
- មានបរិញ្ញាប័ត្រខាងគណនេយ្យ ឬប្រហាក់ប្រហែល
- មានបទពិសោធផ្នែកគណនេយ្យយ៉ាងតិច ២ឆ្នាំ
- មានចំណេះដឹងភាសាអង់គ្លេសស្ទាត់ជំនាញទាំងការនិយាយ និងសរសេរ
- មានជំនាញក្នុងការទំនាក់ទំនងល្អទាំងការនិយាយ និងសរសេរ
- មានជំនាញក្នុងការត្រិះរិះពិចារណា និងដោះស្រាយបញ្ហា
- មានជំនាញកុំព្យូទ័រ (កម្មវីធី Ms Word, Excel, អ៊ីម៉ែល និងអ៊ីនធើណិត)
- មានភាពស្មោះត្រង់ ការអត់ធ្មត់ និងការទទួលខុសត្រូវខ្ពស់
- មានអត្តចរិតម៉ត់ចត់ ស្មោះត្រង់ អាចទុកចិត្តបាន អត់ធ្មត់ និងអាចធ្វើការក្រោមសម្ពាធបាន
- សកម្មនឹងការងារ និងអាចធ្វើការដោយឯករាជ្យ។
2. បុគ្គលិកផ្នែកផលិតផល-Product Officer
កាតព្វកិច្ចទូទៅ ៖
- ស្រាវជ្រា និងផ្តល់ការណែនាំ អំពីលទ្ធភាព សម្រាប់ការអភិវឌ្ឍទីផ្សារថ្មី
- កំណត់ និងអភិវឌ្ឍសេវា និងផលិតផលថ្មីៗ ដោយផ្អែកលើនិន្នាការទីផ្សារ និងស្វែងរកដៃគូសក្តានុពលសំខាន់ៗ
- រៀបចំ និងបង្កើតលក្ខណៈយថាប្រភេទនៃ សេវា និងផលិតផលថ្មីៗ
- ជាបុគ្គលចម្បងសម្រាប់ទំនាក់ទំនងក្នុងការអនុវត្តសេវា និងផលិតផលថ្មីៗ
- កំណត់ និងណែនាំយុទ្ធសាស្រ្តនានាសម្រាប់សេវា និងផលិតផល ដើម្បីពង្រឹងកំណើនទីផ្សារ និងបង្កើនចំណូល
- ធ្វើការស្រាវជ្រាវ និងធ្វើរបាយការណ៍ប្រចាំថ្ងៃ ប្រចាំសប្តាហ៍ និងប្រចាំខែ
- ជួយដល់ប្រធានផ្នែករ៉ូមីង និងផលិតផល ពាក់ព័ន្ធនឹងគម្រោងថ្មីៗ ឬការងារចាំបាច់ណាមួយ។
លក្ខខណ្ឌតម្រូវ ៖
- មានបរិញ្ញាបត្រផ្នែករដ្ឋបាលធុរកិច្ច ឬសញ្ញាបត្រតម្លៃស្មើ
- មានបទពិសោធពាក់ព័ន្ធនឹងតួនាទីនេះ ចាប់ពី១-៣ឆ្នាំ
- មានបទពិសោធពាក់ព័ន្ធនឹងទូរគមនាគមន៍ជាអាទិភាព
- មានចំណេះដឹងភាសាខ្មែ និងអង់គ្លេសទាំងការនិយាយ និងសរសេរ
- មានជំនាញក្នុងការដោះស្រាយបញ្ហា និងគ្រប់គ្រងគម្រោង។
3. ជំនួយការផ្នែករ៉ូមីង (កម្មសិក្សា)-INTERN-Roaming Assistant
កាតព្វកិច្ចទូទៅ ៖
- រៀបចំឯកសារ នីតិវិធី និងផែនការលម្អិតពាក់ព័ន្ធនឹងរ៉ូមីង
- បង្កើត IOT និងរៀបចំគម្រោងតម្លៃរ៉ូមីងពាណិជ្ជកម្ម
- ទំនាក់ទំនងជាមួយអ្នកផ្គត់ផ្គង់សំខាន់ៗសម្រាប់ Signaling, SMS, GRZ, MMS, ទិន្នន័យ និងការទូទាត់ថវិកា
- ផ្តល់ការគាំទ្រ និងសម្របសម្រួលដល់ការសាកល្បង IREG និង TADIG នានា ជាមួយដៃគូរ៉ូមីង
- ផ្តល់ព័ត៌មានថ្មីៗពាក់ព័ន្ធនឹងរ៉ូមីង ដល់ផ្នែកពាក់ព័ន្ធឱ្យបានដឹងអំពីដំណើរការរ៉ូមីង
- ជាបុគ្គលសំខាន់ សម្រាប់ទំនាក់ទំនងអំពីបញ្ហារ៉ូមីង ជាមួយដៃគូរ៉ូមីង អ្នកផ្គត់ផ្គត់ និងក្រុមហ៊ុននានា
- ធ្វើការទូទាត់គណនីត្រូវសង និងគណនីត្រូវបង់ ឱ្យបានតាមពេលវេលាកំណត់
- គ្រប់គ្រងលើរបាយការណ៍ស្តីពីប្រើប្រាស់ច្រើនជាងគេ និងវិភាគកំហុសឆ្គងរ៉ូមីង
- រៀបចំរបាយការណ៍អំពីចរាចរណ៍ និងស្ថិតិរ៉ូមីង ព្រមទាំងចំណូលបានពីរ៉ូមីង
- ចូលរួមជាមួយក្រុមការងារGSM និងចូលរួមក្នុងសន្និសីទស្តីពី GSM
- ជួយដល់អ្នកគ្រប់គ្រងផ្នែករ៉ូមីង និងអភិវឌ្ឍន៍ផលិតផល សម្រាប់គម្រោងថ្មីៗ និងការងារដែលចាំបាច់។
លក្ខខណ្ឌតម្រូវ ៖
- មានបរិញ្ញាបត្រផ្នែករដ្ឋបាលធុរកិច្ច ឬសញ្ញាបត្រដែលមានតម្លៃស្មើ
- មានបទពិសោធពាក់ព័ន្ធនឹងរ៉ូមីង ជាអាទិភាព
- មានចំណេះដឹងភាសាអង់គ្លេសទាំងការនិយាយ និងសរសេរ សម្រាប់ប្រើប្រាស់ក្នុងការទំនាក់ទំនង
- អាចបែងចែកអាទិភាពការងារ និងមានគុណសម្បត្តិខាងការចរចា
- មានចំណេះដឹងមូលដ្ឋានអំពីរ៉ូមីង ពោលគឺ ចំណេះដឹងផ្នែកបច្ចេកទេស និងរដ្ឋបាល
- មានការយល់ដឹងអំពី នីតិវិធី TAP ទិន្នន័យ និងការទូទាត់ថវិកា សេនារីយោអំពីសេវារ៉ូមីង ព្រមទាំងដំណើរការ IREG និង TADIG
- មានចំណេះដឹងអំពីឯកសារផ្លូវការ ពាក់ព័ន្ធនឹង GSMA។
4. ភ្នាក់ងារបញ្ចូលទិន្នន័យ (ការងារឯករាជ្យ)-Freelance-Data Entry Agent
កាតព្វកិច្ចទូទៅ ៖
- ប្រមូលទម្រង់លក់ ពីហាង និងភ្នាក់ងារចែកចាយនានា
- ដាក់លេខកូដទិន្នន័យរបស់អតិថិជនទៅក្នុងប្រព័ន្ធនីមួយៗ
- ពិនិត្យ និងតាមតានទម្រង់លក់ និងទម្រង់នានា ព្រមទាំងកំណត់តា្រ សម្រាប់ការិយាល័យជួរក្រោយ
- ចាត់ចែង និងគ្រប់គ្រងឯកសារតម្កល់ពាក់ព័ន្ធនឹងទម្រង់ និងកំណត់ត្រានានា
- ធ្វើរបាយការណ៍ទិន្នន័យដែលចាំបាច់
- ធ្វើកិច្ចការផ្សេងទៀតតាមការចាត់តាំង។
លក្ខខណ្ឌតម្រូវ ៖
- ជានិស្សិតមហាវិទ្យាល័យ ឬនិស្សិតទើបបញ្ចប់ការសិក្សា
- ត្រូវមានសមត្ថភាពក្នុងការទំនាក់ទំនង និងសមត្ថភាពក្នុងការធ្វើការជាក្រុម អត្តចរិតល្អ និងមានសណ្តាប់ធ្នាប់
- ចាំបាច់ត្រូវមានភាពម៉ត់ចត់ និងស្មោះត្រង់
- អាចប្រើប្រាស់ភាសាខ្មែរយ៉ាងស្ទាត់ជំនាញទាំងការនិយាយ និងសរសេរ
- អាចប្រើប្រាស់ភាសាអង់គ្លេស សម្រាប់ការទំនាក់ទំនង
- មានបទពិសោធផ្នែកកុំព្យូទ័រ និងការបញ្ចូលទិន្នន័យ។
5. តំណាងផ្នែកលក់ចល័ត (អនុវត្តកិច្ចសន្យាការងារឯករាជ្យ រយៈពេល ៦ខែ)-Mobile Direct Sales Representative (Freelance-Fixed Contract for 6 months)
កាតព្វកិច្ចទូទៅ ៖
- អនុវត្តសកម្មភាពលក់ដោយផ្ទាល់តាមទីតាំងផ្សេងៗគ្នា ដែលចាត់តាំងដោយប្រធានក្រុម
- ស្នើឡើងនូវសកម្មភាពថ្មីៗ ដើម្បីបង្កើនបរិមាណលក់
- ធ្វើរបាយការណ៍ស្តីពីការលក់ប្រចាំថ្ងៃ ប្រចាំសប្តាហ៍ និងប្រចាំខែ
- ទំនាក់ទំនងជាមួយអតិថិជន ដើម្បីទាញយកប្រយោជន៍ឱ្យ និងផ្សព្វផ្សាយអំពី Smart Mobile
- គ្រប់គ្រងផលិតផល និងស្តុករបស់ក្រុមហ៊ុន ដូចជា ស៊ីមកាត កាតកោស ជាដើម
- ផ្ទៀងផ្ទាត់របាយការណ៍ស្តីពីការលក់ និងប្រមូលប្រាក់/ទូទាត់ជាមួយក្រុមហ៊ុនឱ្យបានត្រឹងត្រូវ
- ជួយដល់បុគ្គលិកដទៃទៀត ក្នុងករណីចាំបាច់។
លក្ខខណ្ឌតម្រូវ ៖
- មានបរិញ្ញាបត្រផ្នែកលក់/ទីផ្សារ ឬសញ្ញាបត្រប្រហាក់ប្រហែល
- ជានិស្សិតទើបបញ្ចប់ការសិក្សា ឬមានបទពិសោធ ១ឆ្នាំពាក់ព័ន្ធនឹងការលក់ ជាអាទិភាព
- មានជំនាញក្នុងការប្រាស្រ័យទាក់ទង ការធ្វើបទបង្ហាញ និងការលក់
- ចាំបាច់ត្រូវមានភាពម៉ត់ចត់ និងភាពស្មោះត្រង់
- មានចំណេះដឹងទូទៅ និងការយល់ដឹងច្រើនអំពីទីផ្សារ និងបណ្តាញចែកចាយរបស់ទូរគមនាគមន៍ចល័ត
- អាចប្រើប្រាស់ភាសាខ្មែរបានស្ទាត់ជំនាញ និងចេះភាសាអង់គ្លេសសមល្មម ទាំងការនិយាយ និងសរសេរ។
6. វិស្វករផ្នែកធើ្វផែនការ និងពង្រីកបណ្តាញវិទ្យុ-Radio Network Planning and Optimization Engineer
កាតព្វកិច្ចទូទៅ ៖
- សម្របសម្រួលសកម្មភាពបច្ចេកទេសពាក់ព័ន្ធនឹងការធ្វើផែនការបណ្តាញ និងការពង្រីកប្រតិបត្តិការបណ្តាញ និងការពង្រីកបណ្តាញ ស្របតាមគោលដៅនៃការប្រតិបត្តិប្រព័ន្ធប្រកបដោយគុណភាពល្អបំផុត និងគ្រប់ជ្រុងជ្រោយ រួមទាំង ការតភ្ជាប់បណ្តាញជាមួយប្រតិបត្តិករដទៃទៀត
- សម្របសម្រួលដល់ដំណើរការធ្វើផែនការ និងការពង្រីកបណ្តាញ រួមទាំង ការវាស់វែងចរាចរណ៍ត្រង់ចំណុចតភ្ជាប់នីមួយៗ
- ទទួលខុសត្រូវចំពោះការសម្របសម្រួល និងការអនុវត្តគោលនយោបាយ និងកម្មវិធីបច្ចេកទេស ដើម្បីបង្ការកុំឱ្យមានភាពរអាក់រអួលដល់បណ្តាញសេវា ពោលគឺប្រតិបត្តិការឱ្យបានល្អបំផុត
- បង្កើត និងប្រើប្រាស់ឧបករណ៍កម្មវិធី(software)ពិសេស សម្រាប់វិភាគស្ថិតិ
- រៀបចំផែនការកំណត់រចនាសម្ព័ន្ធបណ្តាញ ដោយផ្អែកលើលទ្ធផលនៃការវិភាគស្ថិតិ
- រៀបចំផែនការហ្រ្វេកង់
- រៀបចំផែនការពង្រីកបណ្តាញ ដោយរៀបចំវិក្កយបត្របរិមាណសម្រាប់ការទិញឧបករណ៍
- ធ្វើរបាយការណ៍ស្តីពីប្រតិបត្តិការបណ្តាញតាមដំណាក់កាល។
លក្ខខណ្ឌតម្រូវ ៖
- មានចំណេះដឹងអំពីវិស័យទូរគមនាគមន៍ឌីជីថល និងបច្ចេកវិទ្យាព័ត៌មាន
- មានបទពិសោធលើការប្រតិបត្តិការ និងជួសជុលបរិមាណី និងវិទ្យុ ចាប់ពី២-៣ឆ្នាំ
- មានបទពិសោធច្រើនពាក់ព័ន្ធនឹងបញ្ហាវិទ្យុ (សេវា ការរំខាន ជាដើម) និងការធ្វើផែនការហ្រ្វេកង់
- មានជំនាញខាងកុំព្យូទ័រច្រើន (Microsoft Office, MS Project, អ៊ីនធើណិត, ការធ្វើផែនការហ្វ្រេកង់វិទ្យុ និងឧបករណ៍ធ្វើផែនការបណ្តាញ)
- ចេះភាសាខ្មែរស្ទាត់ជំនាញ និងភាសាអប់គ្លេសមធ្យម ទាំងការនិយាយ និងសរសេរ។
7. ជំនួយការ និងលេខាធិការ-Assistant & Secretary
កាតព្វកិច្ចទូទៅ ៖
- សរសេរលិខិតទំនាក់ទំនងទៅវិញទៅមក លិខិតផ្ទៃក្នុង និងឯកសារផ្សេងៗ
- បង្កើត និងតាមដានកាលវិភាគ ធ្វើការក្រើនការរំលឹកពីពេលផុតកំណត់ និងកិច្ចការប្រភេទនេះផ្សេងៗ
- រៀបចំកាលវិភាគសម្រាប់ការណាត់ជួប កិច្ចប្រជុំ និងការងារផ្សេងៗ
- រៀបចំការធ្វើដំណើរ
- ទទួលខុសត្រូវក្នុងការទទួលទូរស័ព្ទ ផ្ញើទូរសារ ស្កេន ថតចម្លង ផ្ញើ និងបកប្រែឯកសារនានា
- សហការជិតស្និទ្ធជាមួយបុគ្គលិកផ្សេងៗ ដោយចេះសាមគ្គីគ្នា
- ធ្វើកិច្ចការផ្សេងទៀត តាមការស្នើសុំ។
លក្ខខណ្ឌតម្រូវ ៖
- មានបទពិសោធធ្លាប់ធ្វើការជាមួយក្រុមហ៊ុនអន្តរជាតិ
- មានចំណេះដឹងបច្ចេកទេសជុំវិញវិស័យអាជីវកម្មទូរគមនាគមន៍ ជាអាទិភាព
- មានចំណេះដឹងខាងកុំព្យូទ័រច្រើន
- សកម្មនឹងការងារ និងយកចិត្តទុកដាក់ម៉ត់ចត់ និងមានភាពជាក់លាក់
- អាចរៀបចំពេលវេលា និងចាត់ចែងការងារតាមអាទិភាព
- ចេះប្រើប្រាស់ភាសាអង់គ្លេស និងខ្មែរស្ទាត់ជំនាញ ទាំងការនិយាយ និងសរសេរ។
8. អ្នកបច្ចេកទេស-BSS Technician
កាតព្វកិច្ចទូទៅ៖
- ធ្វើការងារមេកានិក ដោយចុះទៅតាមមូលដ្ឋាននានា
- បំពាក់ឧបករណ៍អត់តែនប្រភេទផ្សេងៗគ្នា ដូចជា ខ្សែកាប តួអង់តែន កែតម្រូវអង់តែន ជាដើម
- ធ្វើការងារដោយឡើងចុះអង់តែន និងធ្វើការកែសម្រួលផ្សេងៗ
- មានកាយសម្បទារឹងមាំអាចឡើងចុះអត់តែនបាន
- អាចធ្វើការដោយឯករាជ្យ ពោលគឺពុំសូវមានការណែនាំ
- សម្របសម្រួល និងធ្វើការសាកល្បង និងត្រួតពិនិត្យឧបករណ៍BSS (BSC, BTS, PCU)
- សម្របសម្រួលដល់នីតិវិធីដោះស្រាយបញ្ហា
- ទទួលខុសត្រូវលើសេវាបន្ទាន់នានា ពេញ ២៤ម៉ោង។
លក្ខខណ្ឌតម្រូវ ៖
- មានចំណេះដឹងអំពីការបំពាក់MicrowaveSDH/PDH ទាំងខាងក្នុង និងខាងក្រៅ
- មានចំណេះដឹងអំពីការតម្រង់អង់តែន
- មានចំណេះដឹងអំពីការបំពាក់BTS ទាំងខាងក្នុង និងខាងក្រៅ
- មានចំណេះដឹងពាក់ព័ន្ធនឹងការពង្រីកឧបករណ៍BTS
- មានចំណេះដឹងពាក់ព័ន្ធនឹងប្រព័ន្ធថាមពលមូលដ្ឋាន
- ចេះឡើងអត់តែន
- អាចធ្វើដំណើរទៅតាមខេត្ត
- ចេះនិយាយភាសាអង់គ្លេស។
9. បុគ្គលិកផ្នែករៀបចំពិធី-Event Officer
កាតព្វកិច្ចទូទៅ ៖
- ជួយប្រធានផ្នែករៀបចំពិធី ក្នុងការផ្តួចផ្តើមរៀបចំពិធីនានា
- អនុវត្ត និងប្រតិបត្តិនូវការរៀបចំពិធីនានារបស់ក្រុមហ៊ុន និងផ្តើមគំនិតបង្កើតសារសំខាន់ៗ សម្រាប់ពិធី
- រៀបចំពិធីទាំងជាសាធារណៈ និងក្នុងក្រុមហ៊ុន
- កត់ត្រារាល់ការចំណាយទាំងអស់លើការរៀបចំពិធី
- ចាត់ចែងលើការជួលបុគ្គលិកឯករាជ្យ ដើម្បីជួយដល់ការរៀបចំពិធី
- រៀបចំសកម្មភាព BTL ក្នុងការប្រតិបត្តិយុទ្ធនាការទីផ្សារ/ការផ្សព្វផ្សាយ/ពិធីនានា
- ធានាថារាល់ការរៀបចំពិធីរបស់ក្រុមហ៊ុន ត្រូវធ្វើឡើងដោយមានការចាត់ចែង និងរាយការណ៍ឱ្យបានត្រឹមត្រូវ
- បង្កើន និងរក្សាព័ត៌មានទំនាក់ទំនង និងការទំនាក់ទំនងជាមួយ ភាគីពាក់ព័ន្ធយ៉ាងសកម្ម
- សហការយ៉ាងជិតស្និទ្ធជាមួយក្រុមការងារផ្នែកទីផ្សារ និងគ្រប់ផ្នែក ក៏ដូចជាភ្នាក់ងាររៀបចំ និងគ្រប់គ្រងការរៀបចំពិធីផ្សេងៗ
- ចាត់ចែងលើការរក្សាទុករូបភាព/វីដេអូ របស់កម្មវិធីក្រុមហ៊ុនទាំងអស់
- ធ្វើបច្ចុប្បន្នភាពជាប្រចាំលើបណ្ណាល័យដែលរក្សាទុកនូវការរៀបចំពិធី/សកម្មភាពផ្សព្វផ្សាយនានារបស់គូប្រជែង។
លក្ខខណ្ឌតម្រូវ ៖
- មានសញ្ញាបត្រ ឬទើបញ្ចប់ការសិក្សាផ្នែកទីផ្សារ / រដ្ឋបាលធុរកិច្ច
- មានបទពិសោធយ៉ាងតិច ១ឆ្នាំ ក្នុងវិស័យទីផ្សារ និងការរៀបចំពិធី
- មានជំនាញក្នុងការទំនាក់ទំនងជាភាសាខ្មែរ និងអង់គ្លេស ទាំងការនិយាយ និងសរសេរ
- អាចទុកចិត្តបាន និងអាចធ្វើការក្រោមសម្ពាធ (សម្ពាធពេលវេលា និងសម្ពាធការងារ)
- អាចធ្វើការនៅពេលយប់ និងធ្វើដំណើរទៅតាមខេត្តផ្សេងៗបាន
- មានការប៉ិនប្រសប់ក្នុងការប្រើប្រាស់កម្មវិធីកុំព្យូទ័រ ដូចជា Ms. Word, Ms. Excel, Ms. PowerPoint
- មានអត្តចរិតជាបើកទូលាយ និងមានការប្រាស្រ័យទាក់ទងល្អ
- មានភាពប៉ិនប្រសប់ខាងការរៀបចំចាត់ចែង
- មានចំណូលចិត្តលើភាពម៉ត់ចត់ និងការប្រយ័ត្នប្រយែងខ្ពស់
ក្រុមហ៊ុនឡាថេល ខូ អិលធីឌី ដែលប្រតិបត្តិអាជីវកម្មដោយប្រើពាណិជ្ជនាម Smart Mobile ស្ថិតក្រោមការដឹកនាំរបស់ថា្នក់ដឹកនាំលំដាប់អន្តរជាតិ និងមានការិយាល័យកណ្តាលនៅទីក្រុងភ្នំពេញ ជាក្រុមហ៊ុនដែលផ្តល់ជូននូវបរិកាសការងារដ៏គួរឱ្យចាប់អារម្មណ៍ មានភាពស្វាហាប់ ផ្តល់ការលើកទឹកចិត្ត និងបរិយាកាសប្រកួតប្រជែង ថែមទាំងផ្តល់ជូននូវប្រាក់កម្រៃ និងកញ្ចប់អត្ថប្រយោជន៍ប្រកបដោយភាពប្រកួតប្រជែង សមស្របនឹងស្ថានភាពទីផ្សារការងារ និងផ្អែកលើលទ្ធផលការងាររបស់បុគ្គលិក។
