Smart mobile

 

ថ្ងៃនេះ InSTEDD​ និង Smart Mobile បានប្រកាសកិច្ចព្រមព្រៀង ក្នុងឆ្នាំ២០១០នេះ 

ដើម្បីការចាប់​ ផ្តើមសេវាថ្មីមួយ​ជាប្រយោជន៏សម្រាប់សុខភាពសាធារណៈ ដោយ

ផ្អែកទៅលើបណ្តាញប្រព័ន្ធសេវារបស់ Smart Mobile និងបច្ចេកវិទ្យាសហប្រតិបត្តិការ

របស់ InSTEDD។

 

គោលដៅនៃគំរោងនេះ​ គឺដើម្បីគាំទ្រដល់ក្រសួងសុខាភិបាល​ ក្នុងការផ្គត់ផ្គង់នូវការ 

ប្រើប្រាស់ប្រព័ន្ធទូរស័ព្ទចល័តនៅទូទាំងប្រទេស ក្នុងការតាមដានពីការរីករាលដាល

នៃជំងឺរាត្បាត ផ្សេងៗអោយទាន់ពេលវេលា និងដើម្បីឆ្លើយតបឱ្យបានកាន់តែឆាប់

រហ័ស ព្រមទាំងមានប្រសិទ្ធភាពក្នុងខណៈពេលដែលមានជំងឺ រាតត្បាតកើតឡើង។ 

 

លោក​ ថូម៉ាស ហ៊ុន អគ្គនាយកប្រតិបត្តរបស់ក្រុមហ៊ុន Latelz Co., Ltd. (Smart Mobile) 

បានមានប្រសាសន៍ថា "Smart Mobile គឺជាក្រុមហ៊ុនដែលផ្គត់ផ្គង់ប្រព័ន្ធទូរគមនាគមន៍ 

ឈានមុខគេមួយនៅក្នុង ប្រទេសកម្ពុជា។ ហើយជាមួយនឹងការពង្រីកសេវាគ្របដណ្តប់

ជាបន្តបន្ទាប់ក្រុមហ៊ុនក៏បានបង្កើតវត្តមានរបស់ខ្លួននៅតាមបណ្តាខេត្តនានា ហើយក្នុង

អំឡុងពេលដ៏ខ្លី ក្រុមហ៊ុនបានទទួលការគាំទ្រ ពីសំណាក់អតិថិជនរបស់ខ្លួន ហើយបាន

ជាប់ឈ្មោះបោះសំឡេងក្នុងចំណោមប្រតិបត្តិករផ្សេងៗ។ Smart Mobile ចូលរួមចំណែក​

ក្នុងការអភិវឌ្ឍន៍ដ៏ឆាប់រហ័សរបស់ប្រទេសកម្ពុជាតាមរយះការចូលរួមចំណែកក្នុងសហគមន៍​

និងសង្គមជាតិទាំងមូល។ ដោយឡែកជាមួយ និងការចុះកិច្ចព្រមព្រៀងក្នុងការគាំទ្រគំរោង​

ការរបស់ InSTEDD យើងមានការជឿជាក់ថា វានឹងជួយជំរុញអោយ Smart Mobile

ឆ្ពោះទៅកាន់ការរួមចំណែកក្នុងសហគមន៍ ដ៏ប្រសើរបន្ថែមទៀត តាមរយះការផ្គត់ផ្គង

ជូននូវប្រព័ន្ធសេវាសុខភាពសាធារណៈដ៏មានប្រសិទ្ធិភាពមួយសំរាប់សង្គមកម្ពុជា។ "

 

InSTEDD គឺជាអង្គការមិនស្វែងរកប្រាក់ចំណេញ ដែលមានបេសកម្មក្នុងការបញ្ចូល

អត្ថប្រយោជន៍របស់បច្ចេកវិជ្ជាក្នុងគោលដៅពង្រឹងសុខភាពសកល និងសកម៌អោយ

កាន់តែប្រសើរឡើង។ អង្គការនេះបានបងើ្កតឡើង និងជាដំបូងទទួលបានមូលនិធិពី​

Google។ InSTEDD ធ្វើកិច្ចសហការជាអន្តរជាតិ ដោយបច្ចុប្បន្ននេះកំពុងអនុវត្តន៍

គម្រោងធំបំផុត នៅប៉ែកអាស៊ីអាគ្នេយ៍ ពោលគឺតំបន់សម្បូរទៅដោយជំងឺ ដែលអាច

រីករាលដាលពាសពេញពិភពលោក។

 

លោកបណ្ឌិត សុខ ទូច នាយកដ្ឋានប្រយុទ្ធ នឹងជំងឺឆ្លងនៃក្រសួងសុខាភិបាលបាន

មានប្រសាសន៍ថា "ខ្ញុំសូមថ្លែងអំណរគុណយ៉ាងជ្រាលជ្រៅដល់ក្រុមហ៊ុន Smart Mobile

សំរាប់ការគាំទ្រយ៉ាងពេញទំហឹងចំពោះគំរោង GeoChat ព្រមទាំងអរគុណផងដែរចំពោះ​

InSTEDD និង Google ដែលបានជួយគាំទ្រដល់កិច្ចការក្រសួងសុខាភិបាលជារៀង

រហូតមក។ ជាមួយនឹងកិច្ចសហប្រតិបត្តិការនេះ យើងនឹងទទួលបានលទ្ធផលវិជ្ជមាន 

សំរាប់សុខភាព និង សុវត្ថិភាពរបស់ប្រជាជនខ្មែរទាំងមូល។ "

 

កិច្ចព្រមព្រៀងនេះផ្តល់លទ្ធភាពឱ្យអ្នកប្រើប្រាស់ប្រព័ន្ធបណ្តាញទូរស័ព្ធ Smart Mobile

នៅកម្ពុជាទទួលបានអត្ថប្រយោជន៍ពីប្រព័ន្ធ SMS និង​ InSTEDD ដោយឥតគិតថ្លៃ។ 

លោកបណ្ឌិត Mark Smolinski ប្រធានផ្នែក Google's philanthropic នៅប៉ែកអាស៊ី

អាគ្នេយ៏ បានមានប្រសាសន៍ថា "ភាពជាអ្នកដឹកនាំដែលបានបង្ហាញដោយក្រុមហ៊ុន​

Smart Mobile និង​អង្គការ InSTEDD គឺជាការបោះជំហ៊ានយ៉ាងធំក្រៃលែងក្នុងការ​

ឆ្ពោះទៅកាន់ការផ្តល់ជំរើស​ ដ៏សមរម្យមួយជួនដល់ក្រសួងសុខាភិបាល និង ដៃគូ

រដ្ឋាភិបាលកម្ពុជាផ្សេងៗទៀត​។​ ជាមួយការរួមចំណែករបស់ Smart Mobile

ក្នុងការផ្តល់ជូនដោយឥតគិតថ្លៃនូវ លេខទូរស័ព្ទសំរាប់ការទំនាក់ទំនងសុខភាព

សាធារណៈ ក្នុងករណីសង្គ្រោះបន្ទាន់ រួមមានទាំងការសន្សំសំចៃផ្សេងៗទៀត Smart

Mobile បានបង្កើតការប្រុងប្រយ័ត្ន ព្រមទាំងបណ្តាញប្រាប់ដំណឹងទាន់ហេតុការណ៍

យ៉ាងឆាប់រហ័ស ដែលនឹងជួយសង្រ្គាះជិវីតជនរងគ្រោះ។"

 

នេះជាលើកដំបូងហើយដែលប្រទេសកម្ពុជាប្រើប្រាស់មធ្យោបាយនេះ ហើយកំណត់

គោលដៅដើម្បីអោយប្រតិបតិ្តករផ្តល់សេវាទូរគមនាគមន៍ក្នុងប្រទេសសហការក្នុង

ភាពជាដៃគូដើម្បីឈានទៅរកដំណោះស្រាយប្រកបដោយភាពជោគជ័យ តាមរយៈ

ប្រព័ន្ធទូរស័ព្ទ និងផ្តល់អត្ថប្រយោជន៍ជានិរន្តរដល់សង្គមផងដែរ។ ការរួមដៃគ្នាជាមួយ

នឹង Smart Mobile សំរាប់គំរោងនេះ អង្គការ InSTEDD មានភាពជឿជាក់យ៉ាងខ្លាំងថា

នឹងអាចនាំមកនូវបចេ្ចកវិទ្យាដ៏ទំនើប ដើម្បីជួមជ្រោមជ្រែងសង្គមកម្ពុជាអោយកាន់តែ

រឹងមាំ សុវត្ថិភាព និង សុខភាពបន្ថែមទៀត។

print version